愈痛愈上癮!點解紋身會生理反應?

廣告

如果你仍然話紋身等如「公仔佬」、江湖大佬,即係你已經係outdated!

早前有班男人邀請咗紋身師Jimmy Yuen及紋身發燒友KB(李健宏)上嚟《有班教父》一齊大談紋身有幾正。

作為一個紋身發燒友,即使有幾痛都要咬緊牙關忍落去,鬼叫你鍾意紋身咩~

究竟紋身時有幾痛?KB話好似被紙𠝹咁痛,仲話最痛就係outline嘅時候。其實痛唔痛抑或有幾痛都好睇個人,最緊要係你一開始咗就返唔到轉頭,會有第二、三、四、五、六個紋身...最後就變成唔紋唔舒服。

身為紋身師,每個客人嘅booking都係一個挑戰,要紋咩圖案、紋邊個位置...紋身師都要將所有細緻位照顧周到。不過,總有一啲「蝦碌」情況出現。Jimmy試過幫一位男客人紋大脾內側,紋嘅過程中男客人竟然下體有生理反應!(唔使再形容落去喇~你明我明大家明!哈哈~)

via GIPHY

仲有幫女客人喺一啲敏感位置紋身,女客人有機會要喺紋身師面前脫衣,會唔會突然覺得做紋身師其實唔錯?唔好諗多啦~又要頂得住誘惑,又要夠專業,你估咁易咩?

 

 

(7060)