青菜vs.蘿蔔 揸緊SUV就唔好當佢係越野車啦!

廣告

當然你可以話,你揸開兩個轆,或你唔揸車,但你玩得車,男人總會有個越野夢,想試試off-road的自由與狂野。呢個時候,問題嚟啦,如果俾你揀,你會揀揸純種越野車如Land Rover DefenderMercedes-Benz G class等;還是,接受自己係城市人,揸部都ok越野到,最重要是方便平日代步嘅平治或寶馬嘅M classX系列等,選擇揸陪SUVSport Utility Vehicle)就滿足?

VS_01

無話邊個最好 青菜蘿蔔各有所好

揀揸純種越野車、堅持揸越野嘅男人,係做人有原則,從一而終嘅男人。佢無因為女友話坐得唔舒服而屈服,無因為老婆話「舞」唔掂而轉軚買部兩個都揸到。相反佢係香港呢個石屎森林裡,唔介意成日英雄無用武之地,堅持揸架越野做城市嘅異類。只有等待一有空,先可以走一轉好似流浮山走入一點嘅下白泥呢類香港僅有嘅越野發燒友聖地,享受其他人無咩機會咁易嚐到off-road嘅滋味。

MY2016 G-Class (Euro Spec)

咁揀SUV嘅男人?就好似越野車同SUV一樣無得比較話誰優誰劣,揀SUV都係一種體貼,更顧及乘客感受。SUV整體講,外在同越野車一樣睇落夠氣勢,仲要比較華麗高檔,有些更擁有越野能力。簡單講,就係多功能休旅車與越野車混種。不過SUV雖然可以越野,但就唔一定係全部都係越野車。

VS_03

SUV≠越野車  4式分清楚

千祈咪笑,上網走一轉,大把人覺得自己部SUV上得壆,行到爛路,咁都唔叫得越野車?!當然唔係話大家唔識分越野車與SUV嘅異同,但做人最忌唔清唔楚,坊間唔少人特別是車廠也唔多再將兩者明確區分,但身為純種越野車的狂迷,又點能夠唔試仔細分清楚。

要分辨出純種越野車,以下4式幫到你:

1.車身(承載式 VS非承載式)

VS_04

應該咁講SUV都分城市偏向,同越野偏向兩個細類,一般用在越市的,都會係承載式車身。而純種越野車,走開硬派路線,就會用上非承載式車身。兩者分別就係承載式車身重心低、舒適性好、靈活性好,質量相對較輕,抗顛簸能力低;而非承載式車身就重心會比較偏高,剛性會更好,而且它的抗衝擊能力以及適應唔平坦路面能力會更強。

2.懸掛系統

VS_05

一般城市SUV都選用四輪獨立懸掛,而硬派越野車則是前後整體橋或前獨立、後整體橋懸掛的一個設計,為嘅係更好適應複雜路況。 同時,為它前後整體懸掛的剛性做一個提升。

3.高轉速取向引擎 VS 低轉速高扭力

VS_06

平時同野講車,一定講話百公里加速要幾秒,但如果你走去問越野車車主呢樣,你就露了底。相比城市用的SUV採用高轉速取向引擎,越野車大部分還是使用低轉速高扭力引擎,而且是自然吸氣。因為在海拔很低,海拔很高,缺氧,高原反應等等這種情況下,目前還是自然吸氣引擎能夠保持非常穩定的狀態發揮,跑百二定百七唔係越野車討論重點!

4.真假四驅

VS_07

大多數的SUV都係用兩驅或者電子四驅系統,呢個四驅系統目的是增加條轆對地面附着力,提高成架車運動性,轉彎時候有更好表現等等,但都是用係平坦城市路上嘅技能。

越野車需要嘅係機械四驅功能,而且带差速銷,要求有強大嘅脫困能力和極高嘅可靠性。差速鎖嘅作用是當其中一個驅動轆跣軚時,將差速器殼與半軸鎖緊成一體,使差速器失去差速作用,可以把全部扭矩轉移到另一側驅動轆上。現在市場上部分SUV裝差速鎖,而越野上一定會有差速鎖。

VS1

以上4點就可以幫你分辨到純種越野車同呢幾年通街都係嘅SUV有咩分別。當然無話SUV唔好,如果需要嘅係一部動力強、有少少越野性能,但要寬敞舒適及有良好載物及載客功能嘅,坊間SUV大牌細牌也有唔少選擇。但若你是鍾情純種越野車,係從小就被「越野三劍客」Land Rover DefenderMercedes-Benz G class、還有Jeep Wrangler所迷倒,咁一部城市向嘅SUV就無可能滿足到你吧!

(11730)