眼球 紋身 你敢唔敢試?後果可能係一世變「紋盲」!

眼球 紋身,我覺得係一項必需經過深思熟慮先可以落筆的藝術品,因為一落筆就走唔甩,所以最好做之前諗清諗楚,因為啲墨水唔係打落皮膚可以靠激光洗走,而係注落眼白表面。中文統稱之為「眼球紋身」,其實譯得未夠貼切;英文叫作「Corneal Tattooing」,即角膜紋身,明晒。

lh-1o4c9823-2

墨水紋響邊?

其實呢,正確來講應該係紋喺角膜鞏膜呢兩層layers中間。一般來說,紋身師會把墨水透過用針刺穿的小孔注入,好處就係過程時間短,前後過程唔到半個鐘,但無法做到十分精細的圖案。

眼球
圖片來源:阿摩線上測驗

另一種方法係,用1根簇針戳眼球表面,同時施加墨水,同傳統紋身相似,可以玩花式,但每一針只能注入少量墨水,很傷眼角膜。

眼球
圖片來源:kyliepiercing@instagram

對於眼球紋身愛好者,佢哋唔喜歡被問及點解會咁做,因為覺得你好似標籤緊佢,覺得佢係異類。至於背後原因其實純粹源自個人喜好,就係咁簡單。

98b50c707209fb3a6835cd5d2e42ae8c_eyeball-tattoo-eyeball-tattoo_1000-500

1000美金起標

有藝術家會揀客免費做,佢哋純粹享受個過程,講心不講金。但一般來說,做一次眼球紋身要 1000 美金起跳。

紋身唔係為貪靚,係幫到人

經治療後,病人William Watson的左眼變回正常。(圖片來源:Incredible Features)

據CNBC電視台一則報道,喺前年的New York City Tattoo Convention就有醫生憑着眼球紋身技術,為因眼部受傷而失明的人用墨水將佢受損的眼睛重新上色,令佢外表望落似返普通人,重拾自信。

千奇百怪紋乜都有!

眼球紋身始終未被普及,一般紋身師未必有足夠知識,而呢項藝術品就要交由醫生或身體改造師(Body modification artist)進行。

來自澳洲的Luna Cobra係紋身界「響朵」的大師,除咗紋眼、普通紋身,佢仲有其他獨有技能,包括矽膠植體、疤痕紋身⋯⋯總之千奇百怪估你唔到。lunacobra.net/services

紋身
圖片來源:Luna Cobra's instagram。
Screen Shot 2017-03-08 at 7.29.14 PM
圖片來源:Luna Cobra's instagram。

 

(34183)