《有班教父》 2.0全新改革版! 幕後莊家爆波鞋圈潛規則

聽到「教父」兩個字,你會諗起啲咩?

神枱級數;地位崇高;權力超然;影響力廣,一字記之曰:堅!唔係日文「達人」所指嘅「專家」咁簡單,反而更接近電影《God Father》入面嘅馬龍白蘭度,神聖到要?戒指以表敬意。誇張?一個人能夠對某一樣嘢經年鍛煉而成精,喺某個範疇某個領域得道,嗰種狂熱同成就其實已經到咗一個稱得上「神聖」嘅地步。香港其實都有一班教父㗎!上至 跑車、鐘錶、相機 、音樂 、藝術;下至電影、玩具 、遊戲 、潮流、時裝。每個範疇喺香港本地絕對搵到一班土生土長嘅教父級人物。點先可以做到教父?係同一個行業打滾多年,由紅褲子出身由低做起,對嗰一行既運作瞭如指掌,受萬人景仰。總之就係專業,踏實又出眾,每人一講起嗰一行,就會諗起嘅人。就好似電影界你會諗起史提芬史匹堡或者,講到科技你會諗起Steve Jobs 。而《有班教父》依個節目就係搵嚟一班香港嘅教父級人物吹下水,講下佢哋嘅故事。

改革後嘅《有班教父》第一集就搵嚟香港波鞋界幕後大莊GeekyBrian同大家分享依個圈入面有咩潛規則,又有咩料爆?佢一次過話晒俾你知,希望大家睇完會更識玩!

(4144)