18區 都市傳聞 真真假假 梗有一個響你在近!

廣告
廣告

都市傳聞,一個由普羅百姓傳頌與聞說的故事,向來係社會最引人入勝的討論話題。不過,傳頌是靠嘴巴的,當一個傳一個一個傳一個,以下介紹的靈異事件傳咗幾十年,究竟今日聽到的版本同原版差幾遠?無人知,都係嗰句啦,你唔做虧心事,就算世上有鬼都唔怕佢搞你。
點解突然想寫篇 都市傳聞 ,係最近睇完viuTV套《詭探》突然被挑起鋪癮,究竟西貢結界是否存在?荔景當年單屋邨鬧鬼傳聞,今日已經告一段落?雖然本人就唔太信邪,但對於一啲無法解釋的事情,好奇心還是有的。

18區 都市傳聞 你聽過幾多?

1.荔景邨樂景樓

都市傳聞
而家諗番起,《殭屍》兩姊妹的創作藍本唔通跟樂景邨情殺案有關?

前排《詭探》講起一宗屋邨鬧鬼傳聞,後來翻查新聞先知堅過石堅。事情發生於1984年葵涌荔景邨樂景樓,退役警員葉少文因與女友梁雪詩感情破裂,持刀到女友居住的葵涌寓所中,斬殺女友、其妹妹及其母。最後,兇手被判終身監禁,而寓所亦轉租俾其他租客。以為事件告一段落嗎?不,恐怖事情才剛開始。

究竟同層住客有無再聽到奇怪聲?

自從兇案發生後,唔少街坊投訴接二連三聽見凌晨時分走廊有高踭鞋聲,嚇到租客住唔夠一個月就急急搬走。最後房署在無計可施情況下,決定將涉案單位密封,唔再出租,又將兇案單位同相鄰單位的大門、氣窗及露台以磚頭封閉,並髹上漆油,從外觀望落就似下層電錶房的頂部。不過,傳聞已被截斷水電的密封單位內,夜半時分仍時常傳出電視聲、開關水喉聲,甚至有街坊聲稱聽到單位內傳出兩位女士交談的聲音。

都市傳聞3

2.灣仔星街八公廟

都市傳聞4
Before

星街附近的山坡係昔日英軍的軍火庫。相傳二戰時,日本皇軍誤炸當時住咗好多居民的星街,死傷無數。位於星街的八公廟後方,有一幅巨大紅布,相傳布後就係接通靈界的入口。不過,去年有人發現紅布被移走,當中原因又是甚麼呢?

廣告
都市傳聞5
After

3.上環高陞雞人

都市傳聞6

跟車太貼只會撞車,有啲都市傳聞最好聽完就算,但雞人呢個故事由於原作者描繪得太過逼真,搞到唔少人誤信係一個堅的都市傳聞。著名女作家深雪1991年於《Yes!鬼世界》雜誌寫下短篇小說《雞人》被網民誤傳,故事講述1930年代上環高陞戲院後巷有一個小帳幕,每晚都會上演殘忍的「雞人表演」。「雞人」是被拐子佬把一些大不過六歲小孩,他們細小的身驅滿佈傷痕,手腳舌頭均被割掉,再在全身插上雞毛,作展品展覽,吸引觀眾買票觀看。

4.銅鑼灣皇室堡狐仙

都市傳聞7

無論信唔信神都好,人最好心存敬意,呢單靈異傳聞就係同得罪神明有關。當年皇室堡重係叫溫莎公爵大廈,有日一對夫婦包起酒樓全場,為兒子擺滿月酒。過幾日後太太發咗個噩夢,夢中佢見到一隻紅眼尖牙的狐狸同佢講:「你哋喺我地方擺酒,竟然唔敬我一杯,我要殺咗你個仔!」太太扎醒後,心諗唔通真係咁邪,就立即叫醒丈夫一齊去望下個仔,點知只見佢臉如死灰並停止呼吸,送院後已返魂乏術。後來佢哋走到擺滿月酒的酒樓查看,發現酒樓的大理石外牆上暗藏了一個狐狸頭。

廣告

都市傳聞9

事件經報章報道,慕名前來睇狐仙的人愈來愈多。大廈業主為免引起公眾恐慌,後來將大理石牆拆除,事件從此不了了之。

5. 金茂坪戲院 

都市傳聞11

金茂坪戲院早於60年代開幕,由於當年秀茂坪邨徙置居民眾多,令戲院成為香港典型街坊電影院。但據聞80年代一場大火後,戲院被封閉。之後秀茂坪邨進行重建,戲院入場人數大減,最終於90年代結業。
金茂坪戲院結業後,華懋集團繼續持有戲院大樓業權,戲院大樓大部份至今仍然空置著,只有小部份被改建為倉庫和私人住宅。

都市傳聞12

6.Hello Kitty藏屍案

Unknown

1999年,驚動全港的Hello Kitty藏屍案正正發生於上述住址,圖下外牆橘色髮型屋的上方,就是當年發生駭人命案的3樓B4室。有髮廊負責人表示,大廈除了地鋪與髮廊之外,只有一戶住在4樓,住客反映偶爾有聽過女人喊聲。
2013年,賭王傅老榕家族計劃斥資8,000多萬元,把上址重建為酒店,大約16層高,總樓面約3萬多方呎。酒店目前而家重起緊,不過有趣的是,筆者今年頭路經發現工程外的圍版,貼咗3張佛祖的圖片,究竟背後係咪有意思?

2009年照片,現大廈已改建為酒店。
2009年照片,現大廈已改建為酒店。

(20990)