【#SlamBall】籃球溝彈床有無得諗先

SlamBall 籃球嘅下一個時代

廣告
廣告


「入樽」這回事試問那誰未曾FF過,作為亞洲人,喺真正嘅籃球場、街場普遍可以做到嘅人並唔多,發育時期嘅你幾乎判定咗你一世打波可唔可以做到呢個動作,打開波嘅朋友都知,我地想一嘗「入樽」的話,細個會搬個垃圾筒去街場企上去試,再唔係買幾個玩具籃球框屋企爆樽都仲得,你懂的。其實身型比較細粒嘅朋友唔洗絕望,你地可以有機會「入樽」並成為你其中一個興趣運動,今日就想介紹一項用籃球配以彈床為主的運動俾大家,叫做SlamBall,又叫極限籃球(香港譯為斯籃搏),唔好覺得呢個運動同自己好遠,其實2012年首個斯籃搏錦標賽就係近在中國舉行,講點玩前睇下片先:

SlamBall基本規則
螢幕快照 2017-07-14 下午7.45.56
(圖片來源:jscms.jrn.columbia.edu)

其實簡單講同籃球十分相似,都係將球射入對方籃框得分,都係兩分同三分,比賽共有四節,每節5分鐘,20秒進攻時間,夠鐘完場邊面分多就贏,最後雙方打和就由罰球決定勝負。比賽場上球員4對4,換人次數無限,特別要講每隊必須有一名防守球員在籃下防守。

碰撞激烈
Slamball-4
(圖片來源:sickchirpse.com)

非彈床位置持球者運球後,防守一方可進行身體接觸防守,碰觸式防守限制於躍入蹦床區一刻起,之後防守者只能垂直起跳,所以千萬別以為只係上彈床得分咁容易,可以想像到跳入去前會有不少嘅身體碰撞,而且入樽前凌空碰撞就係常事,落地都好易受傷,就算下面係彈床膝頭承受嘅壓大都會好大。

廣告

走步+安全島+打板
Screen-Shot-2015-02-11-at-21.34.02
(圖片來源:balls.ie)

安全島同籃球一樣設為3秒區,同隊只可以有一個球員出現在安全島區域。防守球員方面防守轉換時通過安全島區域,不能停留過久。走步方面蹦床區安全島上不計持球者步數,而同一張彈床上持球不可彈跳多過一次,進攻球員不能傳球時若想離開彈床區到地面,必先把球扔向玻璃牆打板再跳出去接回,控球才能重新開始。

 

廣告

罰球咩玩法
e5721a244ba7ee1ef892ea78c8a9d3ee

犯規者將作為防守者一方,一對一攔截罰球者進攻,比較特別係罰球者可以自行選擇三個入面其中一個蹦床進行罰球並須先告知防守者。

 

亞洲市場發展

以中國作例子,都為該項運動下了不少功夫,第一段所講到首個斯籃搏錦標賽早年已於中國舉行,到今日都看到投入了相當資源發展,雖然與外國仍有距離,但進步得十分強勢!

雖然香港仲未有機會可以原汁原玩下SlamBall,去九龍灣展貿徑同北角渣華道都有同彈床有關嘅設施可以玩下,感受下個彈跳力同空中離心感都夠過癮啦!

 

(1001)