Dunkirk 絕對值得睇IMAX!Christoper Nolan的65mm菲林攝影學

廣告
廣告

現今科技發達,尤其數碼化的出現,令一啲昔日因成本高昂而無法普及的技術,一下子成為人類生活的一部分。舉個例,行入戲院要揾套 IMAX 3D版嚟睇,完全唔困難。相對地,對於電影工作者而言,燒菲林的成本遠比起只要你有個hard disk,就算拍幾多百個鐘頭畫面的數碼拍攝高昂,正常人都會揀後者。不過,呢個世界咩人都有,呢個年代依然有導演從一而終唔放棄對菲林拍攝的執著,而呢位導演a.k.a喜歡燒銀紙的大師,就係大家熟悉的導演Christopher Nolan。

鄧寇克大行動 Christopher Nolan首部戰爭電影

dunkirk
點解無啦啦講佢,因為大師又一套力作 Dunkirk (中譯名:鄧寇克大行動)即將上畫。呢套片除咗係大師第一部歷史戰爭電影,重係第一部幾乎全片用65mm攝影機拍攝。以往的《Interstellar》、《Batman》都有用過,但使用的幅度遠遠唔及今次。

廣告

雖然話套戲係用菲林拍攝,但最後output能唔能夠保留菲林的原汁原味,要視乎戲院的放映機。香港4所iMAX戲院都係行數碼放映,而足夠支援菲林放映的IMAX戲院,暫時只得全美32間,圖下左邊就係70mm 菲林放映的效果,你可以睇到畫面明顯地闊好多。想睇的朋友,除咗只可以親身飛過去,我諗唔到其他辦法。

dunkirk 2

廣告

根據《美國導演指南雜誌》一則與Christopher Nolan的專訪,裏面提及到佢對電影的睇法同偏好,顯然feel到佢係唔鍾意一味靠數碼科技的人。其中有題記者問到佢有冇諗過將《蝙蝠俠:夜神起義》用3D手法拍攝,當時佢咁樣回應:

「如果拍成3D的話,華納兄弟會好開心。但我認為3D的影像規格太細,3D本身就係一個誤導,本身菲林拍出嚟的影像就已經係立體。所謂的3D特效只係俾觀眾可以從唔同角度觀賞電影,呢種技術比較適合於遊戲之類的科技上,但我覺得唔太適合電影。我比較偏好將影像完整呈現喺螢幕上。我們有測試過3D,但3D往往只會將畫面濃縮成小小的影像框架,然後呈現喺你眼前。《蝙蝠俠:夜神起義》以3D拍攝,我完全冇考慮過。」

dunkirk_1

(10587)