【#男人心跳回憶】《天若有情》 華Dee真係流鼻血都型過人

【#男人心跳回憶】《 天若有情 》

先恭喜早前受傷嘅劉德華已經康復並已開始重投工作,華仔粉好快又可以見到佢啦,話雖如此,今次男人心跳回憶講嘅經典電影《天若有情》相信不少人睇完到今日都必定記憶猶新,「華Dee」嘅外號就係由呢部電影煉成的,不得不先講幕後班底,唔好嚇親!監製杜琪峯,導演陳木勝(首部導演作),編劇阮世生,策劃人為王晶及林嶺東,背後小故事係當時佢地拍呢部電影其實為俾王天林退休金作為心意而發起,屈指一算,原來已經係1990年上映嘅作品,劉德華、吳倩蓮擔正主角,當時不少朋友會FF佢地為金童玉女,而電影中一幕扔垃圾桶偷婚紗成為經典場面,當然都少不了華仔嘅皇牌揸電單車雄姿,流埋鼻血都咁有型!

yfZ7Ft(圖片來源:hkgolden)

其實以前華仔都真係拍過唔少好好睇嘅小混混電影,貼地又夠型,奇怪係無論佢點壞點亂嘢,你都會覺得佢係位正義英雄人物,點都好啦,好電影緊係要一睇再睇,講明心跳回憶,最後緊係要同大家回味一下啦!!去片:

cua00550b (1)cua00549(圖片來源:comebacktolove.blogspot.hk)

 

(13788)