買車都要買一架長壽保值的!Honda CR-V 可以諗諗佢

買車嚟講,其實我哋都係無謂呃自己,平均計由你揸佢離開車行果一刻,已經不見了車價的11%。除非係咩咩特別版,或者成為了古董車,其實大家心知肚明十居其九佢都注定係「蝕本」貨,只係睇下蝕得入唔入肉。不過,雖然話要蝕,但生活係香港地每一蚊都有血有汗,買車時好自然想搵耐用嘅,保值嘅,一來養起嚟都舒服D,另外想換車時也有返D揸拿,感覺良好D。只是香港唔多有公認、有權威嘅「耐用神車」,或者「保值車王」排名之類,要呢類資訊,唔少人買車前都係上討論聽下巴打意見,公說公有理,婆說婆有理。外國特別是北美就年年都有這類排行公佈,用晒Big data去計,當然唔可以照搬來香港,但點都有參考價值的,所謂自用唔使點整又得,放返出去二手價又好得,得左!!

2017 Honda Civic Hatchback Sport Touring(source:motortrend.com)

其實外媒成日有呢類排名,可以比我哋參考買車時,有咩車款耐用D,或者保養唔使使咁多錢。好似幾年前睇過一個由美國汽車網站cars.com做調查,講「維修技師最痛恨的車款」(咪就係好似現在好興「我做過x年車房,你問我答」個種爆料吸引你去睇)。當中,雖然就係美國調查,但香港人好buy嘅Honda Civic 與Toyota Corolla 都因為低故障率,加上維修零件易搵唔貴都雙雙網上有名,所以話咗有參考價值。

2(source:Motor Trend)

講返另一個由國外統計機構iSeeCars.com做的排名指,佢地針對調查唔同車款的耐用度,係將近40萬輛汽車並截止至2015年上半年,統計出了一份報告,僅有13.5%的車主會持有同一輛車超過10年。因為要專講「耐用」,為了唔受該車的銷售量影響,iSeeCars.com更只調查了同時間僅有一輛
車的車主,得出結果頭行五名分別係Honda CR-V,Toyota Prius,Toyota RAV4, Toyota Highlander,Honda odyssey,都是果兩個日本品牌,都係本田同豐田這「雙田」天下。

3

(source:iSeeCars.com)

Honda CR-V 28.6%(車主會用上10年比率) 高於平均2.1倍

雖然個調查只講「耐用」,但睇返香港市場SUV熱潮唔止令到唔少品牌放更多資源去推自家SUV車款,同樣也令到佢地二手價相當保值。第1代CR-V在1995年10月於日本問世,也是第一部本田自家設計的SUV作品,最初設定就是搭載2.0升引擎,動力則是126匹,能夠成為頭位當然是因為低故障率,唔少用家話用十年都無咩大病痛,都只係例行更換輪胎或燈泡等消耗性零件。

4(source:Shop Honda)

最新第五代 CR-V 變身七人車,入場 $35 萬夠晒吸引,使用 1.5 公升直四渦輪增壓引擎,可輸出193 匹馬力和 243 牛頓米扭力。油耗為 7.5 公升燃油可行駛百公里。上一代仲係五人車,採用2.4公升直四引擎,最大馬力190匹/7000rpm,峰值扭力為22.6kgm/4400rpm,配傳統五前速自動波箱。雖然被人評話有四驅系統,但只屬輕度越野表現,但香港地你又幾可要off road。價錢方面三、四年前14、15年新車落地要價約31萬,現在同年都仲叫價約19萬到22萬先有交易。

5(source:Shop Honda)

以香港市場去比較,相比大家喜歡用作和CR-V比較同屬SUV車款嘅Mazda Cx-5以2012年車計,當年新車同樣約30萬,但現在叫價約13萬到15萬就有交易。不過Mazda Cx-5又的確擁有高人氣,2017年大家也同時擁出新一代,與CR-v相比,Cx-5又憑著更多配備,如車道偏移防止、SCBS-F低速預警式自動煞車、盲點偵測、自動轉向頭燈、抬頭顯示器、感應雨刷等,在SUV市場寸土必爭的戰場,仍然確立了自己的位置,叫價約$34萬。

6(source:The New York Times)

Toyota Prius 28.5%(車主會用上10年比率)

Toyota在1997年就以以首代Prius拿下全球首輛Plug-in hybrid量產車的頭銜,雖然第一代只代普銳斯上市初期僅在日本國內銷售,並未外銷至其它市場,但由2代開始就受到其市場追捧。在北美的今次調查中更有不少當年行駛至今Prius的車主話,部車至今已經行駛超過10萬英里(約16萬3000公里),電池的效率並未明顯衰竭,未來將以挺進20萬英里為目標。

7(source:Car and Driver)

而係香港Prius,已幾乎成為Hybrid車嘅代名詞,係電動車比政府重重打擊一鑊之後,Hybrid車必定多了幫環保客以及慳油客。第四代Prius在2015年12月底發表後,一個月內定單已經超過10萬台,遠超Toyota原先預計每月定單1.2萬台的數目。整體而言出了四代,Toyota Prius已經讓混能車不再是只有慳油般簡單,除了油耗出色,也做到操控穩定,車廂寧靜,外型也提升唔少。當年新車Luxury版約 $29萬;Super Luxury版就約 $33萬。行了一年鬆D,二手要價$24萬到$25萬也走不掉。而睇第三代,新車時約$30萬,現在2012年車約12萬。

2010 Toyota Prius 2(source:Green Car Reports)

Toyota RAV4 28.2%(車主會用上10年比率)

樓上講了Honda CR-V, Mazda Cx-5,其實就無理由會無提Toyota RAV4去比較,無講到因為佢自己都網上有名,SUV會佔多幾個頭位大家都預咗。其實日本在1990年代當它們車廠開始投身SUV市場時,而定位於研發符合都市使用需求的SUV產品,即使雖然Toyota RAV4在北美市場同唔少美系SUV對撼,但相比佢哋越野能力,Toyota RAV4就憑都市定位加上故障率偏低這點受到追捧,特別是打入了嫌美系車太粗曠的女性消費者市場。

9(source:motor trend)

1994年於日本所發表的首代RAV4,便同時提供了前輪驅動和四輪驅動的車型選擇,但豐富的機能與空間變化,才是RAV4車名的設定重點所在。無獨有偶,同Honda CR-V, Mazda Cx-5一樣Toyota RAV4今年也有新款推出,相比第 3 代遠在 2006 年推出,車系要經歷 7 年後才在 2013 年才再推出4代,事隔四年就推全新一代就可知SUV市場激烈。4代基本版當年買約$31萬,二手2013年車現在也要價$17萬。

10(source:motor trend)

Toyota Highlander 27%(車主會用上10年比率)

其實在第3代RAV4出現前,Toyota Highlander一直是 豐田在美國市場的SUV主力。與Toyota Camry共用了底盤系統,加上身為Lexus RX的雙生兄弟,但就有較大的車廂空間,同7人車設定,都令到佢在北美市場好受歡迎。另外而簡易維修以及市場流通度高,也成為Highlander 耐用的因素。Toyota Highlander 另一吸引之處是佢第二、三代就有Hybrid版,動力系統也就是Toyota最為自豪的Hybrid油電雙動能系統,引擎的排氣量為3.5升,具有D-4S技術,結合了電動摩打後的綜合馬力為306匹。不過香港無有行貨,反而內地2007年豐田漢蘭達以進口方式登陸中國,2009年4月12日廣汽豐田正式發布國產漢蘭達。

11(source:Car and Driver)

Honda Odyssey 25.6%(車主會用上10年比率)

以低矮車身及前衞造型掛帥的Odyssey,一向似型格私家車多於七人車,去到2014年出的第五代更正式「從良」變回高車身闊內櫳的住家車,但型格味依舊。而Odyssey一向予人偏向房車感的駕駛表現也是它受追捧的原因,引擎容積依舊2.4公升,最大馬力185匹/6400rpm,峰值扭力24.0kgm/4000rpm。Honda Odyssey 當年叫價約$42萬,現在2014年車也有力叫約$27萬。

12(source:Honda)

香港市場七人座,講Honda odyssey一定就要比較福士Sharan和 Toyota Noah這類MPV一直在香港有價有市,當然唔講Sharan 2107款同Noah 將在2018推的款住,以上代比。講比較舒服,Odyssey尤其是行入第三排可以直接從中間住行入去就已經無得輸,用來車細路、父母同老闆,多數巴打都話Odyssey。但講其他,如sharan 路感較為明顯,加上論設備,穩定,一定係福士;而 ToyotaNoah就贏在維修和保養平,不過Noah尾排空間就較細。

13(source:carstuff)

同樣都有人覺得Noah係「細七」唔應咁比,大家都是參考下吧。當年唔同版Sharan 賣約$32萬到$47萬;Noah不同版本價錢就賣$27萬到$32萬。現在的二手市場福士Sharan 2.0 TSI 和 Toyota Noah同是2014年車也由約$21萬起標,同樣吸引!

14(source:Toyota)

(19020)