【 #入油如倒錢 】邊個油站入油最慳錢?

油站 點入著數啲

廣告
廣告

香港地揸車養車雜費煩多,除了月租停車場支出,維修和汽車美容等等都有一大截開支,當中入油為經常性支出,如每日揸得幾轉入油真係都入得幾密下,加上香港油價長期偏貴,加得快減得慢,車主想慳啲除咗隻黃金油腳要生生性性之外,都要精明啲睇實油公司優惠,小數怕長計,分分鐘一年慳埋嘅錢夠你食餐好或者搶張平價機票,如果唔用個啲經agent開嘅油卡(好多都會收返行政費),又或者咩會乜會大家未必入到會去申請嘅嗰啲會員卡外,用返油站各自出嘅油卡夠竟去邊間油公司入油着數啲?大家一齊睇睇。

SHELL shell(pic: shell source:shell.com.hk)

Shell𣄃下的Shell Bonus卡,可於各區的Shell油站申請及領取,成為Shell的會員後,入油的優惠折扣為每公升減$0.9。另外,每次入油後的金額資料會紀錄在案,如果入油累積滿$1,500,可以賺取一張$50入油劵。現在用Jazz GK383 1.3 來舉個例子,根據廠方給出的資料,Jazz的油缸容積為40公升,以Shell的FuelSave 無鉛汽油每公升$15.49來計算,Jazz入滿油的價錢為$15.49 - $0.9 x 40 = $583.6。如果以每月入油8次計,$583.6 x 8次 =$4,668.8,每年的油錢為$4,668.8 x 12月 =$56,025.6。因為每累積$1,500能賺取一張$50入油劵,那全年能賺取幾多張入油劵?$56,025.6 ÷ $1,500 = 37張$50入油劵,即多賺了$1,850油錢,足足夠你入爆3缸油,而全年的油錢為$56,025.6- $1,850 = $54,175.6。另外,Shell不定時都有推廣優惠折扣達$2或以上,但大多數分地區不是全部油站都有相同折扣,想入平油要碰運氣。

ESSOesso(pic:esso source:feoso.com)

Esso𣄃下的Smiles卡,入油的優惠折扣跟Shell一樣為每公升減$0.9。而Esso最近每星期二和星期三會給Smiles會員做特別折扣為為每公升減$2.1。如此的優惠實在吸引,所以要入油一定都會揀星期二三其中一日嚟。同一情況用Jazz和以Esso的Synergy Extra汽油每公升$15.49來計算,也是每星期入兩次油,一次入平啲星期三嚟入,$13,39 x 40公升 = $535.6,一次星期日嚟入,$15.49 - $0.9 x 40升 = $583.6,每月油費為$583.6 + $557.64 x 4星期 = $4,476.8,每年的油費為$4,476.8 x 12月 = $53,721.6。而Smiles卡的積分計法是每入1公升Synergy Extra 汽油可賺取10 Smiles積分,每年可累積的積分為40升 x 10分 x 8次 x 12月=38,400積分,根據Esso的資料顯示,每7,500積分可換取$300汽油,相當於$1,520的油錢,全年的油錢為$53,721.6 - $1,520 = $52,201.6。另外,Esso最近至11月9日有推廣,入油滿$350會送你兩張擦擦卡,有機會擦中$60油劵。

廣告

CALTEXcaltex(pic:caltex source:hongkongcard.com)

Caltex𣄃下的再賞卡,入油的優惠折扣跟上面提及的兩間油公司一樣為每公升減$0.9。而Caltex每兩星期便有一天做特別優惠折扣每公升減$2.0,所以每月一定要把握這兩次入平油機會。我們又來看看如果入Caltex嘅油要幾多錢?Caltex特配Techron黃金汽油售價為每公升$15.49,每月入6次折扣為減$0.9嘅油 $15.49 - $0.9 x 40升 x 6次 = $3,501.6,每月入2次減$2嘅平油$15.49 - $2 x 40公升 x 2次 = $1,079.2,每月油錢為$3,501.6 + $1,079.2 = $4,580.8,每年的油錢為$4,508.8 x 12月 = $54,969.6。另外,Caltex的再賞卡不設儲積分換油劵的計劃。

廣告

中國石化sinopec(pic:sinopec source:sinopechk.com)

中國石化油站長期每星期不定時有5天做優惠折扣每公升減$2.1,所以比較容易撞啱時間入平油,從數字上都睇得出中石化入油應該最平,我哋就計一計,以中國石化汽油Sino Power的售價為每公升$15.49,揸住張中國石化VIP卡去入爆架Jazz每月油錢為$15.49 - $2.1 x 40公升 x 8次 = $4,284.8,而每年油錢為$4,284.8 x 12月 = $51,417.6。另外,中國石化不定時也會推出每公升減$2.7的折扣,要慳盡大家就要keep住留意啦。

中國石油中國石油(pic:中國石油 source:google)

中國石油的汽油折扣卡,入油的優惠折扣為每公升減$0.8,如果入油滿$300或以上,折扣為每公升減$1。
以中國石油的清新汽油每公升售價$15.49來計計,打爆jazz個缸要幾錢?折扣後油錢為$15,49 x 40公升 = $579.6,然後每月油錢為$579.6 x 8次 = $4,636.8,每年的油錢為$4,636.8 x 12月 = $55,641.6。

經過簡單計算,如果用油站的會員卡入油由最平至最貴的順序為1)中石化 2)Esso 3)Shell 4)Caltex 5)中國石油。當然,油品價格和優惠折扣各油公司會不斷調整,大家要不時留意各油公司嘅特別折扣,還有入邊間油站嘅油都要夾夾部車,入A公司嘅架車可能去D行得多D,入B公司嘅油架車可能唔去又行D少D,所以大家入油時都最好做做比較,上面嘅資料希望可以比到基礎認知比大家。

(11512)