【#太陽眼鏡】亂帶隨時盲!鏡片唔同顏色代表乜?

太陽眼鏡 要識玩

300250

戴「超」時尚就係人都知,潮流之人當「超」係必備配件,總有一、兩副旁身。但係「超」點嚟?點解鏡片要咁多顏色?唔通真係純粹為貪靚、易襯衫?

最初代太陽眼鏡#1_first-sunglasses #1_SnowGogglesA

第一代太陽眼鏡同現今流行嘅太陽眼鏡可以話差天共地啊!大概二千年前 - 史前時代,愛斯基摩的獵人需要長時間喺雪地打獵為生,若果不幸患上雪盲症,就會手停口停。所以為咗保護雙眼,減少雪地反射嘅陽光傷害,佢哋用獸骨、皮革或木頭加以人手雕琢成護目鏡。而呢款護目鏡設計非常貼面,細小狹縫既可減少眩光,又唔影響原有嘅視野。有興趣知多啲可以去加拿大文明博物館,但呢件收藏品並唔係常設展品,睇唔睇到真喺要碰碰運氣喇!

祖國最早期用法#2_2074000fe55e1a5e31f8#2_1pp4000rqp60s19o17rs #2_31r90003snp78n52o702

 大概喺12世紀,中國已經有太陽眼鏡嘅雛型。跟據金末元初《歸潛志》所記載,只有衙門官員先可以戴由煙晶製成嘅墨鏡,就好似《九品芝麻官》入面,星爺戴嗰副墨鏡咁。但呢副墨鏡原本嘅設計並唔係想遮太陽,而係俾衙官審案果陣遮掩眼神,可以不動聲色咁觀察犯人反應,同時又唔俾任何人察覺到佢既眉頭眼額,從而推測到最後審批嘅結果。及後,亦只有達官貴人先會擁有呢類墨鏡,係身分同地位嘅象徵!

鏡片愈深色愈易盲#3_fe45cc32d0ddda179503fd2844f35ef5#3_007#3_grabimg-php #3_pict_1

喺18世紀中期,James Ayscough開始喺眼鏡上進行有色鏡片嘅試驗。從多次試驗結果中發現綠色同藍色鏡片可以用嚟矯正視力障礙,更可以防止有害嘅陽光,所以製造咗第一副綠色鏡片太陽眼鏡。亦因爲Ayscough嘅發現,太陽眼鏡嘅鏡片顏色並唔係愈深色愈好。因為人類瞳孔會因應外來光線嘅強弱而自動調節大小,當戴緊深色眼鏡果陣,瞳孔會放大。假如你副深色太陽眼鏡唔符合現今UV 400nm或100% UV absorption標準嘅話,唔單止冇防紫外線嘅功能,反而重為有害嘅紫外線打開咗方便之門!久而久之,視力就會受到影響,輕則視野模糊,重則永久失明!一般以灰色為首選,另外墨綠色或茶色亦喺遮光力比較強嘅鏡片顏色。

唔同運動要戴唔同顏色鏡片21

講到最多顏色而又有實際功能嘅鏡片,就一定係Oakley。自家最出名的Prizm™鏡片就同普通染色鏡片唔一樣,完全係對應唔同嘅運動而設,有Golf、Trail、Road、Snow、MX等等超過十款嘅獨特鏡片,而何解要分類?就確實有實際嘅功能,原理就好似用電腦Tune顏色咁。例如Trail,就最適合行山、跑山、Downhill單車等運動,Trail嘅鏡片係會將紅同綠呢兩隻顏色的精銳度,於是乎就可以好清楚咁見到條山路或者草叢的遠近,咁樣就玩起嚟就自然事半功倍啦。尤其是係滑雪時,用咗Snow嘅Prizm™鏡片,就可以更容易搵到邊條路最平最滑,唔使估估吓。最近,Prizm就出咗最新嘅Shallow Water,連水面環境嘅顏色都經過微調,咁就唔會因為拆射反射等因素影響到你留意水面嘅動靜,最啱釣魚、風帆等等嘅運動用。

各適其適,最緊要識揀#5_805289602057_shad_fr

  #5_Zara  #5_8053672430554_shad_qt講起太陽眼鏡,好多人都會諗到Ray Ban嘅Aviator或者Wayfarer,兩者外型簡單得嚟亦係長年不敗款。而H&M、Zara、Forever 21等都有類似款式,適合學生一族,比較經濟實惠。不論喺平價品牌,定係高端名牌,都有適合你嘅太陽眼鏡。由此至終,太陽眼鏡最主要嘅功能都喺保護我哋靈魂之窗。千萬唔好貪平隨便買,或者盲目跟潮流買特別色系眼鏡。第一,無論任何款式或品牌,都應該揀有清楚標明UV 400 nm 或 100% UV absorption嘅太陽眼鏡。第二,所有原裝太陽眼鏡都冇度數,有近視、遠視或者散光嘅話就應該配番啱度數先好戴。 3 - 戴超除咗型,重要舒服,所以要揀副就算長時間戴都唔會唔舒服或頭暈嘅太陽眼鏡,咁先至係聰明仔。只要謹記以上三點,就可以輕鬆挑選既安全又啱心水嘅「超」喇!

#5_Mirrored-Aviator-Sunglasses-Forever-21-Sunglasses_L2x4Rzh0SkdHdUpCRWo1dmVBd0QzVnBaNTVaRT0vMHg4MzozMzB4NDEzLzY0MHgwLzk4YWU5NmRkLTRjMzEtNDIwZS1iMGZlLTZiMmJjYTk4MjUyYg==#5_Ray_Ban_954_1353058019

(圖片來源:網絡資料)

(13812)