陰濕「快相機」一街都係 醒少少唔好益政府

你快得風 但你快唔過「 快相 」

廣告
廣告

夜欄人靜,同啲friend玩完散水揸車返歸,夜媽媽攰攰地又想快啲返屋企,好多時會踩快啲,心諗返屋企嘅路揸摜揸熟同埋啲快相機喺咩嘢位全部記得哂啦。行行吓突然閃兩閃,有一股暖流喺全身游走,我頂!中咗太陽拳,即時醒神哂全部娘親神佛破口而出,政府thank you你放低幾舊,但其實又快得幾多呢,下次唔該都喺安全駕駛喇。現時全港有百幾部固定快相機,你以為自己記得哂無難度,但好多時例如突然的老柏,又或者掛住同隔離囡囡傾計一時失神又唔記得,往往一啲棟咗喺度好多年,就算好外眼歷史悠久嘅快相機都好好生意,有邊啲快相機咁好生意?下面呢啲都真喺keep住有單開,睇吓啦:

杏花村往筲箕灣方向西行杏花村

有經驗嘅駕駛者嚟睇可能真喺笑爆咀心諗唔燃喺呀,呢個鴿籠都中?係呀真喺唔喺講笑,呢部機都閃得幾密架!每星期經過呢度可以閃幾次,成日都有人中奬。其實也難怪,由柴灣一路順住唔塞揸落黎,呢嗰位條路又有少少暗斜衝落去,好多時衝衝吓high high地就dup唔切中招就喺咁易。
相機顯眼度:★★★★★

太古城往筲箕灣方向東行太古城

又一個大家睇完笑爆+反眼嘅快相位,都係講緊固定嗰個快相位,唔係講緊天橋嘅鐳射槍(都好似好耐無擺?),嗰度有2個籠,一前一後,其實都好地標,第一個籠好顯眼,第二個籠而家就比啲樹草遮住咗少少,可能大家都好掛住呢2個籠,唔知佢地哋仲work唔work所以耐唔耐都比佢地閃2野等大家知道佢地仲健在:)。喺東廊呢段路不時有車輛喺度追逐時被閃,或者都有啲扮勁嘅新牌仔飛過而中招。
相機顯眼度:★★★★

薄扶林道往香港仔方向東行薄扶林道

廣告

薄扶林道往香港仔石排灣道方向,過咗薄扶林花園近余振強紀念第二中學,嗰個籠又喺好旺場,每個月總會有捧場客比佢閃10次8次。原因?無他嘅,大家都行緊70km爆上山嚟,跟手落斜唔踩油門都過50km轆落去,中途又唔踩吓brake收慢,其實相機前面都放咗牌標明時速50km,你唔收或收唔切真係與人無尤,抵中啦!
相機顯眼度:★★★★★

龍翔道往黃大仙方向東行龍翔道

估你唔到嘅第4個籠你又真係估佢唔到,由龍翔道往黃大仙方向呢個籠都係食極唔飽,不時都有人餵佢食,閃呀閃呀閃唔停。被閃原因都係由於路段屬落斜關係,而又比你行70km,行得70km有啲師兄又身㾗腳㾗放brake冼快啲就中咗,有時又比巴士擋吓睇唔見個籠又鳩冲埋去,放低幾舊水飲茶錢。
相機顯眼度:★★★★★

廣告

葵涌道往九龍方向南行葵涌道

又一中招熱點,熱爆程度同玩pokemon捉精靈一樣,人哋就多人捉精靈,呢度就多車比人捉:)。夜間情況更甚,車流量少由天橋鏟落嚟後直衝,好多失暈師兄真係keep住70km衝咗都唔知,其實相機前又喺有路牌提醒你,就算無路牌顯示時速都知道喺要行50km啦,失咗手衰咗唔好賴地硬。
顯眼度:★★★★

吐露港往大埔方向北行吐露港

3,2,1 cheese!!由於條路太好踩關係,一段大直路轟返轉爽YY,限速100km但好多師兄都購覺得唔夠爽,係要腳㾗爬吓頭先過癮,加上呢個矮籠又係灰色有小小保護色效果,比其他橙籠無咁覺眼,轟到相機前先記得收慢已經太遲。呢段路或者有太大誘因,大家都係行100km,但跟住人哋車尾就覺得慢,有位走就踩油走。
顯眼度:★★★

上面6個地點長做長有,其實快得一時又真係可以快幾多?快少少比人閃一閃又放低幾舊,嚴重嘅炒埋一碟或者連屋企都無得返,都係安全至上按車速限制去駕駛啦!成日有人超速後會問扣幾多分停唔停牌,驚比人停牌就唔好揸咁快啦!喺度補埋啲資料比大家睇:

•比速度限制高出每小時15公里或以下 - 定額罰款$320
•比速度限制高出逾每小時15公里但不多於每小時30公里 - 定額罰款$450扣3分
•比速度限制高出逾每小時30公里但不多於每小時45公里 - 定額罰款$600扣5分
•比速度限制高出逾每小時45公里$1,000 - 定額罰款扣10分,有機會被罰停牌

 

(Pic source: google)

(12940)