【#I BELONG TO JESUS】卡卡 (Ricardo Kaká)

時代的標記 神の足球門徒 - 卡卡 ( Ricardo Kaká )宣布退役

巴西貴為足球王國,經常有球王誕生。但當中斯文有禮得嚟又乖仔兼球技出眾嘅基督徒,相信就只有卡卡,佢嘅傳奇到今時今日依然為人再三回味:
(一)卡卡點解叫卡卡?
1_01
對於卡卡呢個名,相信好多人都唔知佢真名係冇KAKA呢個字。原名叫Ricardo嘅卡卡係家中排行第二,細個時佢細佬因為唔識讀卡卡個名,淨係識叫Cacá,於是卡卡就用一直呢個名;之後發覺Kaká睇落更美觀,就一直用到宜家。
 (二)大康之家,聖保羅起家
2_01
有別於一般巴西球星多出身於貧苦家境,卡卡嘅媽媽係教師,爸爸係工程師之餘,仲係聖保羅球會嘅投資者之一,所以卡卡就從8歲開始加入聖保羅,直至15歲終於同球會簽咗一張三年合約。2001年正式為聖保羅一隊上陣,結果全季攻入12球並協助聖保羅奪得聯賽冠軍,兼且得到當年巴西聯賽冠軍。之後到2003年卡卡就俾當年為AC米蘭效力嘅巴西名宿里安納度嘅注視,並成功斟介轉會至AC米蘭,自此踏上卡卡喺足球場上最輝煌嘅時代。2007年,係卡卡最頂峰嘅一年,幫助AC米蘭捧走歐聯兼神射手,再贏埋世界冠軍球會盃。雖然06-07當屆意甲拎唔到冠軍,但都成為當屆意甲最佳球員兼最佳外援;更利害係連奪足球界最高殊榮嘅金球獎同埋世界足球先生。

2_02 2_03 2_04

 

 (三)持續最短嘅最高新價球員

3_02

而喺2009年,即是卡卡27歲時,當時最喜歡買入超級球星嘅皇馬終於忍耐唔住向卡卡招手,雖然當時曼城都有份爭卡卡,但最終皇馬都以當年破紀錄的5,600萬鎊轉會費,成功奪得卡卡。之前的紀錄都係同皇馬喺2001年所創,當年係以4,660萬鎊由祖雲達斯入手施丹。不過最意外嘅係卡卡所創的紀錄唔使兩個星期就由皇馬自己打破。邊個咁夠卡士?之唔係踢到宜家都仲有踢嘅C朗拿度,當年以8,000萬鎊由曼聯過檔。雖然紀錄被破,但呢兩位當年登上最高身價球員頭兩位嘅球星,就因此成為咗好朋友,一個著9號、一個著8號,球場內外經常出雙入對,仲俾人誤會係出櫃球員。可惜嘅係卡卡喺皇馬嘅期間傷多過踢,最後2013年卡卡決定番去前球會AC米蘭,雖然只係短短一年,但最後都完成咗為AC米蘭入100球嘅壯舉。之後卡卡就轉戰美職聯,加入奧蘭多城並擔起隊長一職,直至上星期球季完結。
(四)入球指天動作“I BELONG TO JESUS”
4_01
4_02
每次見卡卡嘅入球之後都雙手指天,唔講以為係好似其他球員咁為咗多謝先人。原來呢個動作係對上帝嘅感謝,有時卡卡出場都會著件印有”I BELONG TO JESUS”嘅底衫,入波就會揭起慶祝;而呢句說話都喺佢拎世界足球先生時嘅謝詞都有重點講過。的確翻查記錄,卡卡自小已經係個虔誠嘅基督徒,就連初夜都係獻咗俾佢宜家嘅老婆(當然佢老婆都係基督徒),之後仲生咗三個仔女。咁嘅好仔,實在難求。
4_03 4_04 4_05 4_06
 (五) 巴西10號仔與世界杯
5_01 5_02
能夠入選巴西國家隊已經不得了,仲要著埋件最勁嗰10號波衫,卡卡最出眾的球技係高速盤球。可能你會覺得巴爾更快更狠,但當你再睇睇全盛時期嘅卡卡,佢嗰種高速係盤住球嘅高速兼會變速嘅移動,當今球壇實在仲未見有人能及。另外,卡卡嘅動作實際得嚟仲有一份優雅高尚嘅情操,高速盤球之餘亦不忘視察四周圍環境,隨時作出傳射停等相連動作,司職中場位置同時兼顧策劃、進攻、控制節奏等工作,所以當代10號波衫,卡卡絕對著得起。雖然全盛時期的卡卡未能為巴西奪過世界盃,不過早於卡卡初出茅盧20歲嘅時候,佢都有入選當年2002年世界盃決賽週,雖然未係重心球員兼決賽冇得出場,但都有慶捧起過世界盃。乖仔又靚仔,神射手以至世界足球先生,聯賽冠軍以至世界盃都全面拎過,咁樣嘅一個足球生涯都算得上非常完美。
6_01

(3931)