【萬聖節特輯】 香港五大倫常慘案

廣告

大家都以為香港好安全,但係其實每十個人就有一個精神病症狀,發作起上嚟甚至連最親嘅人都唔放過。以下就係五個殺害家人嘅倫常慘案,四個比較近代,而一個就係我個人認為最經典恐怖。

逆子父母碎屍案

loadImage

2013年3月初,Facebook 出現咗一個新專頁「失蹤的爸爸媽媽」,由兩兄弟開設,向網民報稱父母親去咗大陸旅行之後失蹤,希望網民可以提供資料搵返佢地父母。

3月7日兩兄到警處備案,警方接手調查,通知兩兄弟其父母並無出入境紀錄。兩兄弟亦都同警方合作,喺父母房間搵到護照,但係就搵唔到回鄉證,更加去銀行打簿,發現父母都無提款紀錄。

3月14日事件上報,某生果日報以失蹤父母為題報道事件,細仔更加講咗一句「究竟去咗邊?可以做嘅我哋都做晒!」

呢單睇落仲係好似一單普通失蹤案。

但就係報道出街後第二日,即係3月15日,警方喺在大角咀角祥街一個劏房單位搵到兩具屍體,身首異處。兩人頭顱被割下,放入雪櫃;屍體被切成數十塊,放入三個膠箱。警方仲係單位入面搵到七把利刀、一把鋸同染咗血嘅砧板。

同日,警方拘補細仔周凱亮同佢朋友謝臻麒。

原來,細仔因為賣樓問題同父母鬧交,細仔想父母賣樓分身家,父母唔肯,之後呃佢地去一個劏房單位睇樓,繼而殺害。

天水圍掟仔女落街案

A01_01_c

2007年,天水圍天耀邨,一個拎綜援嘅新移民家庭,父親因為患上鼻咽癌喺醫院留醫。有精神病嘅母親麥福娣要獨力照顧丈夫同一對年幼子女,懷疑因為壓力太大,導致病發。

「咁辛苦落嚟做乜?」案發當日,麥福娣喺升降機撞到鄰居問道。

講完呢句之後,麥福娣就返咗屋企,將子女綁起,寫低遺書。內容就有講到生活有壓力同不開心,擔心照顧唔到子女及丈夫。

跟住,麥福娣親手將子女一同掟落樓,當場死亡,然後自己就換上紅色衫,跳樓自殺。

一家四口,最後就只得返喺醫院嘅丈夫陳啟林…

慈母救孖女慘案

0505-00176-097b4

2005年,丈夫李柏森因為失業靠綜援唯生,多年來一直對妻子金淑英拳打腳踢,育有一對孖女嘅妻子,為咗兩個女一直啞忍。丈夫甚至會將佢地趕出走廊,三母子喔有喺走廊攬住喊。鄰居見到都願意幫手,但每次金淑英被打被趕後,都會被丈夫氹返,多年嚟一直反反覆覆。

直到金淑英終於唔想再活喺丈夫嘅虐待底下,入住庇護中心。之後收到丈夫電話,威脅金淑英「如果再唔返嚟,我就帶埋兩個女返大陸,一世都搵我地唔到。」

金淑英為咗兩個女,決定返屋企,就變咗丈夫獵物。

返到屋企之後,李柏森就鎖起門,同佢地三母女困獸鬥,亂刀砍殺,為咗保護孖女,金淑英身受多刀,最後三母一同死於李柏森亂刀之下。

警察到場,發現鐵閘大門無鎖,大門防盜鏈就被扣上,喺門縫望入去,陣陣血腥味撲鼻,地面血漬斑斑。破門入屋後,三母女已當場死亡,而李柏森就身受多傷倒地,送院後十二日亦宣告死亡,相信喺殺咗三母女後自殺…

美孚新邨倫常慘案

67687-9e46b2822b0b8a85

2001年1月2日,一個美孚新邨住宅單位,一對失業嘅父子,因為經濟問題,兒子脾氣非常惡劣,同父親經常嘈交。父母就邀請兒子女友嘅母親,一齊相勸兒子,想佢改善下脾氣。

點知,就係佢地開緊大會嘅時候,兒子突然失常,拎咗鐵鎚向佢地襲擊,父母即刻上去阻止佢,屋內就發生混亂嘅打鬥。兩位女士都混亂中被打傷,兒子母親就訓咗喺廚房門外,女友母親就喺廚房內。父親就係呢個時候將兒子擊 斃。

到咗下午五點幾,12歲嘅細女放學返到屋企,拍門無人應,就自己去公園玩咗陣,到七點幾就返屋企,由父親開門,佢同細女講,兒子發癲襲擊佢地,所以打死咗佢,但就無交代果兩名女士點樣死,仲要求細女唔好報警住。

細女醒目,同父親傾訴咗一個鐘,令到佢鬆懈,跟住就偷偷入廁所報警。警方嚟到之後,細女開門,父親見到警察之後,大叫咗一句「係個仔痴線﹐唔關我事﹗」就衝咗入房,跳樓身亡。

康怡花園烹夫案

14345560607295

1988年,康怡花園D座312室內,妻子馬潔芝發現老公傅棠有第三者,於是先餵食安眠藥,再綁住老公,用膠布封口,馬潔芝向老公勒索要求20萬,加唔再搵個第三者,傅棠一口拒絕。

第二日,馬潔芝鬆開傅棠一隻手,等佢可以食粥,點知傅棠一野將碗粥掟向馬潔芝。肉隨針板上嘅傅棠仲要激嬲埋馬潔芝,馬潔芝即刻去拎咗個鐵槌,打死咗傅棠。

馬潔芝最後就決定用電鋸將佢肢解,然後一件件咁放入焗爐同大煲將屍體煮熟,防止屍體發臭同滲血水,連然將煮熟咗嘅戛肢,放入膠袋,棄置喺垃圾站。

大女美玲放工返嚟,馬潔芝若無其事咁大方承認殺咗老公,起初美玲唔信,以為佢只係講笑,但係跟住幾個月都再無見過爸爸傅棠之後,決定報警。

案件上到法庭,無人證,無屍體,無殺人工具做物證,唯一有嘅就只係馬潔芝承認殺人嘅口供。但係由於馬潔芝患有精神分裂症,佢到底真係有殺人,定係一切都只係幻想,到而家都無人知。最後馬潔芝判誤殺罪,無限期入住神精病院。

(9707)