保方門神論 堅守二十年無鬆手

龍門呢個位長久之來都係最長青嘅代表,比起球場上其他位置嘅球員得十年八載,龍門閒閒地可以做足十幾廿年。不過要講到keep到咁好波又依然受歡迎,近呢廿年除咗保方,真係再冇第二個可以媲美。

Gigi Boffonprofile3_1444078373tumblr_looqimpTNH1qfxktpo1_128014676650_704510683033269_8882578124357763072_n初初加入帕爾馬青年軍時期嘅保方

0417歲正式成為帕爾馬一隊球員

保方個英文全名係Gianluigi Buffon,但因為實在幾長同幾難讀,所以啲就慣咗化繁為簡,直接叫佢Gigi就算。其實保方細細個十歲入球會時,係踢進攻中場,後來佢爸爸就建議佢試試做龍門,結果一做就做到宜家仲未收山,仲要當時正直青春期,結果身高一下子仲升到185cm,真係註定食龍門呢行飯。結果13歲嗰年保方就加入咗帕爾馬嘅青年軍,喺17歲嗰年就已經成為一隊嘅球員。當年嘅帕爾馬人材濟濟,後防有初出道嘅簡拿華路同杜林,再加上保方,呢條後防線堪稱無懈可擊,加上中場嘅華朗同前鋒基斯普等等,絕對可以同歐洲一線頂級球隊爭過。結果98至99球季,帕爾馬就成功奪得歐洲足協盃(UEFA CUP),即是宜家嘅歐霸盃。

03當年捧歐洲足協盃嘅陣容真係有勁過宜家好多豪門球會

龍門最高轉會費紀錄保持者gianluigi-buffon-career-records-for-club-most-minutes-without-conceding-in091091600_1494404654-Ekspresi_Buffon_saat_Bawa_Juventus_ke_Final_Liga_Champions_01-1200x666 2917251_xbig-lnd

一般嚟講,轉會費最高嘅球員多數都係前鋒,龍門呢個位向來就好似樓價同車位價錢嘅對比,真係冇得比。而近呢廿年來,龍門嘅轉會費可以超過5,000萬歐元嘅,就只有保方一個;而且佢呢個紀錄到今時今日仲未被破。的確,當年2001年時,祖雲達斯開呢個天價由帕爾馬入手保方時,全世界都當祖雲達斯係傻,用咁嘅價錢買一個龍門,時間證明咗一齊,保方一直為祖雲達斯把關至今時今日,就算下年退役,佢都冇諗過要轉會。除咗協助祖雲達斯贏咗11次聯賽冠軍,最經典係2006/07球季,祖雲達斯被罰降落乙組比賽,保方都依然不離不棄,同球隊一齊落乙組踢,仲拎埋冠軍返番上意甲,認真有情有意有鬥意。所以今年祖雲達斯衝擊意甲七連冠,保方絕對係最不可或缺嘅一員。

09 July 2006 : Pirlo and Buffon of Italy during the Germany's 2006 World Cup, Final soccer match between Italy and France and Italy at the Olympiastadium, Berlin. © Salvatore Giglio / Grazianeri Ag10 15 19 14

上個月為意大利出戰世界盃外圍賽,全隊意大利著上作客波衫,就只得保方可以率先著上最新嘅主場波衫,以表揚呢位出戰5屆決賽週嘅英雄,而贊助佢近廿年嘅PUMA更加特登喺祖雲達斯嘅所在地都靈市,以及全球共7個大城市,畫咗7張唔同動作嘅保方守龍門嘅壁畫,去表揚呢位宇宙級龍門。

沒有神救。只有神級2264382_heroa-1 2017_02_24_48700 14938986827802006年世界盃決賽週,意大利以只失兩球的紀錄奪得當屆冠軍。

cca6ba63e257b2dfcefc9f43e220f04f

保方被譽為呢廿年嚟最佳嘅龍門,但事實上好多球評家都話保方都未有太多嘅神救,至於佢點解成為最佳龍門,就係因為佢嘅企位非常精準,好多射門佢都知道入唔入先會撲救,再加上佢會提點整條後防線嘅球員,減低對手射門嘅機會,咁樣自然可以保住免失球。所以能夠做出974分鐘不失球,保方不單只在於撲救射門嘅技術,仲有係佢嘅企位同埋洞察能力。當然,保方嘅反應絕對係神級,好多大賽都會偶爾見到佢超快嘅撲救,仲有毫不猶豫嘅出迎。好多教過祖雲達斯嘅教練都認為有保方在陣,一季裡面只少可以少失十五至二十球波,所以佢能夠成為最高轉會費嘅龍門,絕對係物有所值。

05保方贏波時嘅招牌式慶祝動作

世界盃常客。失落的歐聯
buf_juvemila

Gianluigi Buffon, Italy

唔計下年世界盃,保方已經參加過5次決賽週賽事,要數最勁嗰屆當然係2006年拎冠軍嗰屆,全部7場賽事都只係失過2球,有一球仲要係烏龍波,一球就係決賽俾施丹入嘅12碼。呢個咁完美嘅結局都冇令保方有退出國家隊嘅念頭,佢亦講明若果下年踢到世界盃,佢一定會踢。同樣地,下屆世界盃可能就係保方嘅告別戰。不過話時話,依照數據分析,意大利每12年就會打入世界盃決賽,若果照咁計,上次2006年,咁下年就好多機會會打入決賽;不過首先要做,係要贏出今個月中嘅世界盃附加賽先有機會去到決賽週。

CZauBY9WkAAPLJd帕爾馬對祖雲達斯,就算對住球王施丹,保方一啲都唔怯場。
e5976

一如好多球星,近乎所有冠軍都拎過,硬係仲有一兩個拎唔到,喺保方嘅足球身涯入面,就係少咗一個歐聯冠軍。咁多年來,保方試過三次打入歐聯決賽,包括2002/03、2014/15、2016/17,可惜三次都輸波只得一席亞軍。雖然保方已表明下年40歲會正式掛靴,不過佢都有補充,就係只要祖雲達斯贏到歐聯冠軍,佢就會留隊效力至打世界冠軍球會盃為止。皆因呢兩個盃都係保方未曾擁有過,佢好想喺足球生涯上有一個完美嘅回憶。

最後都係嗰句,睇得一場得一場,餘下嘅歐聯、意甲同世界盃附加賽,都係欣賞一代門神嘅最後機會,球迷門,請好好把握。

07保方嘅足球生涯最期待嘅就係一個歐聯冠軍,三次入決賽都只得亞軍

22636813_123581218401358_2776783583354814464_n0f38e6688601e8c01462eca85ddcada771b03f6e Buffon-Messi-Apr2017-620x400-1

(4344)