AF-100借用經典創造另一個經典

廣告

唔經唔覺,Air Force 1已經踏入35歲,大過依度唔少人。對於周年活動,就算用家唔睇到厭,相信Nike都已經做到厭,只要睇翻AF1 25周年,就知成件事有幾夾硬嚟,所以今次AF1 35周年,Nike就幫佢改咗個有波鞋文化嘅名,叫AF-100。一般人照字面睇,可能會誤以為成個活動總共會出100款AF1,如果真係出100款,唔使審都知肯定Outlet見,試問Nike點會晒咁多人力物力去搵人加In-House設計生產100款先?其實AF-100成個Concept,都係基於最可以代表起成個Air Force家族嘅全白Air Force 1。

001(Image: Sneakerhype)

0-9號顔色拆局

全白Air Force 1之所以經典,係因為佢百搭,無論著起老牛、短打甚至老西,都係Standard Matching。本地著全白AF1著到變Icon就有Wyman同劉米,Wyman甚至將全白AF1納入為日用品,出Trip去到邊買到邊,就好似生活必需品一樣,冇咗佢會周身唔自在。而劉米亦都因為鍾意著全白AF1鍾意到出Crossover。AF-100的100,其實就是全白AF1的顏色Code。Nike的每件產品,都有統一9位數字的自家專用Style Number(XXXXXX-XXX),頭6位數字代表貨款,由最初1字頭開使用,很多原版Jordan都是1字頭,有時復刻也會用翻原來的Number,1字頭之後跳過2字頭由3字一直用到9字頭,最近用晒已發展到A字頭。後3位數字是代表顏色,0代表黑色灰色銀色這類Grey Scale、1代表白色、2代表啡色泥色這類Earth Tone顏色、3代表綠色、4代表藍色、5代表紫色、6代表紅色、7代表黃色、8代表橙色、最後9代表特別色,例如金色或者Multicolor雜色。而顏色Code第1位數字代表主色,第2位數字代表副色,有時候沒有副色的話也會乾脆用0代表,最後第3位數字代表該顏色組合的排列次序,有時用0、有時用1開始排列,例如全黑色鞋第一對必定會用001,永遠唔會出現000,以前無論咩鞋都會用1字尾數做第一對,但近依2年開始用0字尾數做第一對,全黑鞋除外。

002 003 004 005 006 007(Image: Nike, Instagram, Sneakernews)

100代表全白

以全白Air Force 1為例,因為白色為主色,所以顏色Code第1位數字必定是1,由於沒有副色,第2位數字用0,第3位數用0是因為這顏色是頭6位數字Style Number的第一對,最後出現100這個顏色Code的組合。但假如以舊有的Coding Scheme定義全白AF1,就會出現111,因為副色也可以解讀為白色,尾Code用1也可以代表第一對,所以現時市面上最經典賣街的全白Air Force 1其實仍然是沿用舊有111的顏色Code,而近年Nike所有其他全白波鞋都統一用晒100做顏色Code。有咗呢套顏色密碼,行內人就算未見過對鞋嘅實物或者相,齋睇Code都會知道對鞋係大概乜嘢顏色。

008(Image: eBay)

Air Force 1全白Crossover

所以話今次AF-100其實包含咗屬於Nike本身嘅波鞋文化喺入面,而依次全白Project都算係無新意之中嘅有新意,借用經典(過去經典合作鞋款)加入本身的經典(全白色)去創造另一個經典,總比再搵一班Designer或者鋪頭合作設計35周年特別版來得更加實際同有趣。經過Complexcon之後,暫時已經知道有5對以白色為主嘅AF1會推出,其中當然以Acronym Lunar Force 1最引人注目,基於2年前未真正出名時推出嘅版本已經升到天價極難入手,而家全白低調版更加唔可以錯過。另外十幾年前只有Promote Sample嘅Rocafella AF1終於真正推出,當做完夢。另外值得期待嘅仲有同樣係十幾年前出過嘅Stash AF1 High,當年係最炒得嘅AF1,連埋鐵盒手提Gip包裝,最近Nike又同Stash再次合作出咗對Spiridon,如果今次AF1有少少機會跟埋個鐵盒一齊出齊開心死一班Sneakerhead,唔著都要買翻嚟儲。CLOT最出色嘅絲綢AF1亦都榜上有名,變咗做全白比起原版紅色更加高質典雅,低調中帶點高調。喺其他未公佈嘅合作入中,如果要再揀嘅話,最希望見到Mister Cartoon嘅Laser AF1,因為變咗全白就會成為一件藝術品,反而HTM鱷魚皮AF1本身已經出過全白,就算再出都唔會覺得有驚喜。唔知你心目中又想邊對經典AF1喺給AF-100之中變成全白色呢?

009 010 011 012 013 014 015 016(Image: Nike, Hypebeast, Long7, Flightclub)

本故事如有雷同實屬對號入座。

TXT BY GEEKYBRIAN

(1213)