【#香港崎嶇山路】手車曳啲都唔掂

陀地 崎嶇山路 特典

廣告
廣告

好多人成日話喺香港揸得車嘅人技術都好掂(考幾次先PassP牌同極度騰雞嘅除外),因為香港路面較窄同埋車多,更有人話走一轉入赤柱就等如畢業可以暢行全港九。其實入赤柱都唔喺好難啫,再難D嘅你地有無玩過?講緊嘅喺崎嶇嘅山路,玩厭公路想去睇下風景,自問技術好嘅有無興趣去玩吓?不過鍚車嘅都喺諗諗先,因為除時比D野草樹枝劃花架車就喊都無謂!

掃管笏村道掃管笏村道

初次玩嘅朋友可以試吓玩呢條路,嚴各嚟講都未算喺山路,掃管笏村道連接麥理浩徑10段,沿山腰而行。沿途路面都有鋪路,條路都未去到好爛溶溶。進入掃管笏村道初段路沿路兩旁有村屋,睇落去都幾易行,行到中段道路開始收窄,沿路可以同羊咩咩打招呼,中後段路面狀況無咁理想同埋單程雙行,避車點算比較多,不妨夜晚嚟走轉試玩吓壯壯膽然後先玩下面D路啦。

難易度:☆☆  

沙螺洞路沙螺洞路

玩完掃管笏村道,可以試玩沙螺洞路。呢條路真真正正算喺上山路,亦因為路窄,之前曾經因為有好多人揸車嚟賞花而塞爆條路走唔到。沙螺洞路沿路多彎好玩D,但有唔少行山人仕所以揸車時務必要小心,上到頂嗰平地旁邊有條小路可以去張屋,不過如果想行嗰段路都喺揸架越野車先入去啦。

廣告

難易度:☆☆☆

紅花嶺路紅花嶺路

紅花嶺路,路面狀況尚可,視野算開揚可以成日望到個天。但係條路都喺窄,如果架車闊D行車時應該會成日聽到D”發發聲,因為路邊兩旁D植物生到凸哂出嚟肯定會打落架車到。要揸呢條路都喺慢慢上,因為彎多又急,路邊有護欄,一個唔該掃落條護欄到架車真喺咪話唔傷。新手真係唔好夜媽媽喺度玩頭D,條路無街燈咁坃法喺十分危險。

難易度:☆☆☆☆

廣告

九龍坑山路九龍坑山路

九龍坑山路,由大窩東支路駛入,呢條山路真喺比較崎嶇,沿路多沙石行車又凳,路又窄容易刮花車身,鍚車嘅你真喺要諗清楚。沿路極少避車地方,如果遇着對頭車真係頭都㾗,唔建議新手駕駛者去挑戰。真係想挑戰嘅話喺天氣好時陽光充足嘅日子先好去,可以睇清楚周圍狀況,如果天陰陰去行呢D山路,仲要喺第一次去唔熟路嘅話,感覺都有少少陰森驚驚呢。

難易度:☆☆☆☆☆

華山軍路華山軍路

華山軍路,全段路陜窄非常,路斜,基本上啱啱夠一架車過,架車預咗要比D草草木木拉花,如果有幸遇到對頭車真係要左扭右扭攪你108分鐘先攪得掂。因為華山軍路兩旁無圍欄,之前就曾經發生過客貨車墮坡意外,所以揸車挑戰呢度一定要打醒12分精神,路段因為險要陡峭,好多駕駛者又覺得可以提升駕駛技術而揸車嚟挑戰,所以比人吹捧為香港秋名山。

難易度:☆☆☆☆☆

咁多位想玩呢D山路嘅不妨揸架錢7去,唔小心刮花咗或者震到內傷都唔覺入肉,尤其係揸越野車為佳,始終有D路段路面比較爛又多沙石,較適合越野車發揮,而究竟可唔可以提升駕駛技術真係見人見智。

(PIC Source: Youtube & google)

(2728)