【#馬路燥底事】討厭行為逐個捉

廣告

大家揸車時固然享受揸車帶比你嘅樂趣,享受一個人兜風時嗰種消遙自在,人車合一嘅快感。不過好多時你想享受但永遠都會有人阻住你,硬喺有啲人駕駛態度奇差,左穿右插,車神上身,當正成條路喺佢私家路想點就點。呢啲咁乞人憎嘅司機一街都係,有咩事起上嚟輕則Hi花吓,重則攪到其他人撞埋一齊玩串燒都得,睇吓下面講嘅你地有無身同感受?有無啲Case share吓?

推車L推車L

自古MK仔多出推車L,為咗凸顯佢哋嘅駕駛技術有幾厲害,架戰車能力幾咁強勁,就算條路有幾咁人車稀少,往往比佢哋睇中就點都會比佢哋由街頭推到街尾。其實咁推法真喺幾牙煙,前車前面有乜事故後面推車L Dup唔切就一齊串燒。筆者試過喺東廊西行近太古城上斜天橋段路行緊70Km比後車嫌慢一直推呀推到落銅鑼灣,如果想對付推車L最好裝番個後車Cam,裝咗你會發覺真喺謝絕咗好多推車L

快線L快線L

長期佔用高速公路嘅快線L,有時真喺唔知佢哋真唔知定假唔知咁樣一直佔用快線喺違法,最慘有時喺行100Km嘅路你同我行80Km,咁啱咁橋隔離又有架車夾住咁就比你頂住條行車線,有時真喺有急事想趕時間架嘛,大佬麻煩讓返條線出嚟啦唔該。

Cut線唔打燈+突然插入Cut線唔打燈

明白你哋喺車神,睇位快、狠、準,好多時我哋喺行駛中同前車只有剛剛一個車位嘅距離你哋都可以插埋嚟。但大佬咁樣又喺好危險,唔理人哋死活,往往你Cut得好有型,Cut完全後絕塵而去,我哋分分鐘Dup到死,一個唔該比後面撞埋上嚟都似,唔該咪鬼害人害物。

超光車頭燈超光車頭燈

到底嗰啲駕駛者喺咪對眼有事?覺得成條街都黑媽媽?一定要用咁光嘅車頭燈?如果喺咁不如唔好揸車啦,夜晚揸車遇着你哋呢啲車真心想爆粗,啲光真喺好燦眼架嘛,極度影響你哋前車嘅司機,長時間比你哋燦住,不斷要郁身擰頭避開啲光,如果係對頭車咁燦住,出事真喺好容易,比啲強光影響根本睇唔清前面嘅路,半秒內失控撞埋唔出奇。

死唔讓位比你轉線
maxresdefault

打晒燈,揮晒手想轉線,就算其實你啱啱打燈見到夠位入,都會一支箭踩油衝上嚟,一架接一架嚟,好似殺父仇人咁款死唔讓位比你轉線,有咁行頂咁行,通常遇到嘅對手都喺紅的。永遠唔排隊喺最尾一刻插入嚟好似過紅隧Autotoll咁,繁忙時間車多塞爆,好多時大部分車都排晒隊慢慢等過,硬喺有一堆人死都唔想等,快得幾多得幾多,喺最尾一刻Cut返入過Autotoll條線,攪到其他唔用Autotoll嘅都塞晒喺度,阻住晒麻鬼煩,呢啲情況不如一次半次比散紙過隧道算啦頂。

過隧道收費亭比一堆電單車硬攝排前cross-harbor-tunnel-hong-kong-20488044

排隊過隧道個人特別煩燥,尤其比人插隊。平時電單車塞車時可以攝位行快啲都明,但過隧道時可唔可以真喺排吓隊?喺你排隊期間,望到前面本來45架車左右,突然間有34架電單車攝你前面,本身班人就唔認識但又懶喺要停埋一齊吹水,博矇插隊,頂你個肺唔該你哋理吓人哋感受得唔得?電單車咁攝大L晒?

衝燈尾停黃格頂住黃格

想見於十字路口,衝燈尾但過唔晒而停黃格內,阻住另外一邊方向嘅車行駛,快得幾多呢?完全又一自私精行為,呢啲駕駛者抵佢比人砵到仆街,唔該下次守下規矩喇。

其實以前喺香港大部份駕駛者揸車都比較禮讓,但近年唔係咪車愈來愈多,好多人愈揸愈燥,駕駛態度每況愈下,仲有好多情況例如Cut雙白,玩野急煞車,對頭車突然U-Turn等亦有發生。路面情況往往變化大,意外亦會因小事而起,希望大家揸車彈以忍讓多啲,同埋減少駕駛陋習啦。

(Pic Source: Youtube)

(5261)