【國家打吡】加泰馬德里草場上算政治帳

國家打吡 從不和平

兩三個月前,加泰羅尼亞地區獨立運動,引發一輪西班牙國內憲制危機。雖然成功阻止加泰獨立,但西班牙政府既強硬手段鎮壓人民,以秋後算帳方式清算自治政府官員,激發當地人更團結對抗馬德里政府。相信在坐各位都知「足球離不開政治」,代表住兩個地區既球會正正就係巴塞同皇馬,一向既死敵如今再添一層政治色彩,所以今次國家打吡唔單只係球會之間鬥爭,更提升至民族層面,氣氛肯肯定會係近年最激烈既一次,名乎其實國家打吡。

CataloniaIsNotSpain-e1409832413377
兩隊近況

上星期,皇馬以大熱姿態再次成為世冠盃盟主,成為第一支成功衛冕既球隊。話雖如此,賽事中皇馬表現其實一般般,球隊打唔出大炒西維爾果場既氣勢,被睇高唔只一線情況下,並冇展現壓倒性既皇者風采,兩場比賽只能小勝對手,而且贏波過程冇預期輕鬆,相信皇馬迷開心得黎又會帶點隱憂。本土聯賽方面皇馬似乎企穩陣腳重上正軌,近5場錄得3勝2和,其中一場和波仲要係馬德里打吡戰,所以呢個走勢絕對唔曳。

36476829da4f4a818d1c989e9c4bc554

兩三日前,美斯成為西甲頒獎禮上既大贏家,分別奪得最佳射手&最佳球員兩項個人殊榮,而隊友恩尼斯達就拎左西班牙最有價值球員,個人認為實至名歸。頒獎禮話就話係上季產物,但兩位巴塞中流砥柱今季延續上季絕佳表現,以美斯黎講,係16場西甲賽事已經入左14粒,當中只有一球12碼,可見效率之高,水分之低。今季巴塞其實成隊都FIT,包括埋新教頭華維迪,戰術、用人都順利融合球隊體系,所以開季至今未嘗一敗,雖然近5場和左2場,仍然拋開第2位既馬體會6分,甩開打少場既皇馬11分,繼續保持強勢。

下載

兩隊交鋒

論西甲打吡往績,其實並唔係想像中咁55波,近10次對碰之中,巴塞5勝2和3負;近5次作客班拿貝,巴塞戰績係3勝1和1負。睇往績巴塞明顯高一線,去到馬德里踢得更加醒神,而對上一次皇馬西甲打吡主場贏波已經係3年前既事,再贏唔到就真係會變成魔咒。另一樣值得留意就係紅牌數目,兩隊對壘一定火藥味爆燈,吹完場雞後好少可以22個球員一齊返更衣室,因為總有一兩個早早被紅牌趕出場,冇紅牌仲難過冇士哥,而且雙方除左鬥球技,仲會鬥演技同格鬥技,好多元化,所以西班牙國家打吡咁好睇咁矚目梗有原因既。

dailymirror

Real-Madrid-CF-v-FC-Barcelona--La-Liga

sergio-ramos-real-madrid-barcelona_eityniwcf65h1f07atk435dg4

個人預測

兩隊都冇嚴重既傷兵問題,皇馬更加有巴爾復出隨時候命,相信會先放後備席。預計兩隊正選陣容都唔會有乜大變化,相信巴塞會沿用今季踢開既4-4-2陣式,繼續發揮前場強大既攻力,以攻代守;皇馬方面相信會以4-3-1-2 或 4-4-2 應對,皇馬或者會係中場攔截方面特別招呼巴塞,而施丹唔會ALL IN防守而忽略進攻,所以陣式方面未必會太死板,不過今季皇馬前鋒線相對沉靜,希望會見到有出奇不異既策略針對巴塞。

巴塞會方正式拒絕賽前列隊歡迎皇馬,類似畫面只能從圖中回味
50920001308428b89ac0

賽前有段小插曲已經充滿好濃烈既火藥味。事緣皇馬拎左世界冠軍頭銜後,按照傳統下一隊迎戰既球隊一般會係賽前列隊拍掌迎接冠軍球隊入場,基於對手係死敵巴塞,事件就引發廣泛討論,其中C朗既一番言論更將火頭越撥越大,而隨後巴塞會方正式表示唔會列隊歡迎皇馬入場,啱既,背負住加泰之名更加唔會係呢個敏感時刻跪低。一切由結果說話。

國家打吡將會係聽晚8PM開波,唔洗捱夜睇波,係精神既!

個人預測 皇馬1:3巴塞

(source: daily mirror, goal.com, espnfc)

(522)