【男の通識學】真 • 數碼暴龍!開天闢地嘅元祖八神太一

DIGIMON 真 • 數碼暴龍:開天闢地嘅元祖八神太一

300250

數碼暴龍,一班 90 後嘅童年回憶。想當年育成動畫唔係呢套,就係寵物小精靈嘅天下。不過唔講唔知,原來大家係電視上面見到嘅八神太一根本就唔係真正嘅八神太一。對於數碼暴龍迷嚟講,以原案企劃本鄉昭設計嘅雛形漫畫 《C’MON 數碼暴龍》嘅概念設定,重新編製出嚟嘅《數碼暴龍大冒險V馴獸師01》先至係元祖版本。呢套由1999 年1月喺《V JUMP》開始連載,直到 2003 年10月號完結,單行本終共有 9 本(正篇58話,特別篇4話)嘅故事,入面嘅主人翁八神太一先至係最原始(暫稱:元祖太一),實力最強橫嘅第一主角,而且同之後嘅《數碼暴龍》電視版(1至3代)有住千絲萬縷嘅關係!

首先要解釋「元祖太一」喺《V馴獸師01》入面嘅原案設定,佢嘅拍檔並唔係勁似粒麥樂雞嘅亞古獸,而係一隻古代種數碼獸 ZERO。佢亦都係喺《數碼暴龍02》入面為人熟悉嘅「二手輔」嘅親密拍檔;不過當時漫畫並未流行肌肉感而採用兒童向嘅設定,所以睇落會比較圓潤咗少少。而漫畫情節都會出現好多太一同V龍獸嘅搞笑場面出現,佢地經常自誇話佢地係 100% 勝率嘅完美組合添呀!不過呢個設定絕對係經過深思熟慮㗎,故事將佢同 ZERO 設定成數碼世界入面唯一一對,能夠阻止究極惡魔獸散播病毒、惡意篡改程式排列嘅 PERFECT MATCH。因為數碼獸嘅真正姿態係 0 同 1 嘅組口排列而成,八神太一嘅「1」字,同古代種出身嘅 V龍獸 ZERO 代表住嘅「0」字,就係阻止世界毀滅嘅「完美疫苗」。

(1536)