【#NBA】回來吧!神の控衛!R.RONDO

朗度 ( Rajon Rondo ) 21年來NBA首位單場突破25次助攻

nz_nba_281217(Source : static.straitstimes.com.sg)
若R.RONDO果冇呢個咁驕人嘅單場25次助攻紀錄,真係唔知原來有咁多人都鍾意RONDO,何解小編會記得佢,除了因為佢初出道就已經同當年塞爾特人三巨頭夾得格外投契,繼而於2007-2008球季贏得總冠軍。但佢一副清秀面尖尖的外型,更加有同JUNO有幾分相似,再加上RONDO打波嘅風格,有如軍師領軍一樣,好多估佢唔到嘅傳、偷、射波都令人印象深刻
個人風格。注定獨行
891984800.jpg.0
(Source : cdn.vox-cdn.com)
控衛從來都係整隊波進攻嘅核心所在,既要有好嘅球技同觀察能力,但最重要係得到隊友的配合及認同,RONDO起初頭幾年喺塞爾特人都算夾得好好,皆因三大巨頭都可以壓住RONDO嘅氣燄,而RONDO亦因為年少,所以對經驗豐富嘅三巨頭都好恭敬,既可打出自己風格,亦能為球隊嘅攻守作出不少貢獻,不過隨住贏得總冠軍之後,三巨頭亦先後離隊,RONDO的經驗值隨之增長後,就開始對隊友嘅表現與配合有所微言,開始要求球隊要以自己為中心去指揮,甚至操控整支球隊。少則與隊友不和,重則甚至與教練口角,總之當時有關RONDO嘅報導都會見到標題非「只有自己的一人球隊」、就是「反叛自以為是」,可能這就是大多天才球員的不完美部份。
重傷撕裂。重新再起
Nets_Pelicans_Basketball.JPG_m1M6ygv_t1200
(Source :spokesman.com)
就算皮氣再衰,性格再反叛,只要好波都終會有日會出人頭地;只可惜RONDO受到運動員最無可奈何嘅挑戰,就係受傷。最為人所知當然係2013年初膝蓋十字韌帶撕裂,手術、康復、再操練,整整一年有多的過程。之後亦隨之被賣到達拉斯小牛,可惜球隊偏重奴域斯基嘅PICK & ROLL打法,令RONDO有點兒格格不入,不知所措繼而無心戀戰。之後2015到帝王、2016到公牛都屬曇花一現,偶有佳作。唔係話同教練口角,就係同球員夾唔嚟,簽每張約都係一年起兩年止,呢兩三年仲要傷完又傷,大抵都以為RONDO嘅球員生涯會大概到此為止。就算今年季加盟新奧爾良鵜鶘,都要去到11月4日先可以復出,還好打到前兩日(12月27日)對籃網一場,出場30分鐘交出25次助攻,成為Jason Kidd之後,近20年來首個做出此紀錄嘅NBA球員,並且同Kevin Johnson、Nate McMillan和Isiah Thomas並列,是NBA史上單場第五高的助攻數,亦係最大年紀做出呢個紀錄,不過以佢只係三十頭嘅年紀,應該仲有三五年嘅好光陰,好波有腦嘅球員並唔係代代有,難得活在當下仲有RAJON RONDO,希望佢會重新再起,打番次爭氣波。
廣告

(591)