【男の通識學】FLAT EARTH THEORY 地平說 2D 平面世界

FLAT EARTH THEORY 地平說:2D二維空間

廣告

已故足球旁述員伍晃榮先生講個波係圓嘅,但係你哋有冇諗過地球係平呢個概念?FLAT EARTH THEORY 喺2017年GOOGLE SEARCH嘅搜尋率突然間勁升90%,連KYRIE IRVING等明星都都力撐地球係平添啊。冇聽過唔緊要今日就同大家講下地平說呢種世界觀。地平說係地圓說相對嘅存在,喺古希臘時期大家對地球嘅形狀概念抱有懷疑同爭論嘅時候衍生出嚟,佢哋堅稱地球係 2D 平面或者好似一個圓形碟狀嘅二維空間,呢個概念由古希臘青銅時代講到到而家都仲HIT緊。即管現今太空科技嘅進步同亞里士多德等偉人力証地球係圓嘅,都仲有唔少支持者都相信呢套理論而話「地球係圓形」只係 NASA 佢地編織嘅謊言啊!

現代大多數科學家都相信人類身處緊地球係個球狀嘅星體,但若果大家將固有已建立出嚟嘅科學理論同探險事蹟撇除,例如地深吸力呀,哥倫布 1492 年開始嘅大航海時代,麥哲倫嘅環球航行探險之旅一一拋諸腦後去探討地平說又會係點樣嘅呢?

(290)