【#英超】利物浦新一年做大事 破「鏝」金身

英超 利物浦戰術性擊敗一哥曼城

英超大戰,賽前即使擁有主場之利,利物浦依然被睇低一線,事關佢地對手鏝城唔只係英超一哥,仲保持住不敗之身,氣勢之盛何須置疑?仲記得紅軍首循環慘被屠殺,吞左5隻蛋,到今日終於復仇成功。今場比賽非常好睇,節奏快之餘兩隊對攻,鏝城雖然有絕對控球優勢,但踢法受制於利物浦全場緊迫快速搶截,後防更係下半場俾利記搶迫到走晒樣,9分鐘內瘋狂犯錯,俾人連轟3球。雖然最後階段入返2球,可惜為時已晚,最終利物浦主場4:3打破鏝城金身兼報一箭之仇,賽後升上第3位。沒有金的鏝城是曼城,雖然輸波但仍然有至少12分優勢高居榜首。

(365)