【馬路如狼口】搵食撞車黨橫行

撞車黨 屈錢須知

廣告

撞車黨,係人都知佢哋喺何方神聖,專門靠撞車制造意外搵食,真正係仆街中嘅仆街。撞車黨係內地極為盛行,由早期都係拋條屍出嚟比你撞屈你錢,到而家唔用特技替身親身上陣搵命博屈錢,但啲演技真正喺世界級on_,撞都未撞就碌地嘅亦常見。除了人肉撞車,現在都多咗好多揸住架車嚟撞車搵食,遇到佢地真喺時運低,除咗浪費時間,分分鐘比佢哋亂嚟追巨額賠償,分分鐘攞你命。撞車屈錢有咩招數?下面同大家分享下.....

cut線撞車

常見屈錢招數,當車多擠塞要cut線時更易發生,由你開始cut線時,喺踩入對方行車線少少,未完全入哂線之際,對方後車突然踩少少油冲上嚟同你撞埋一齊制造意外,喺你未完全入哂線嘅時候佢喺可以話你突然cut埋嚟收唔切油撞埋佢,點都喺你蝕底。

屈你溜後撞車

cheap招但都好多人用,一般常見喺紅綠燈位停車等候期間,後車喺你神不知鬼不覺中,突然間輕輕駛前貼近,都你發現時已經feel到架車搖咗幾吓,後車車頭已經同你車尾kissing。落車理論就話你攪錯呀唔拉手掣屈你溜後,點都要屈返幾舊水飲茶錢。

屈你dup唔切撞

屈得你溜後緊喺有屈你dup唔切撞埋嚟,都係喺紅綠燈位停車等候期間,前車突然on鳩鳩入後波慢溜同你架車輕輕碰撞,屈你dup吾切撞埋嚟。不過而家呢招應該少咗人用,因為大部分嘅車主都會幫自己架車最少裝返個前車cam,但可能仲有少數人繼續用緊睇住啲無車cam嘅車嚟食啦!

 

踩線行車

揸車揸到舞龍咁款,行車時騎住條線嚟行,到適當時候一野抽過你條線閘哂線等你反應唔切撞上嚟無仇報,都喺屈你dup唔切等收錢個款啦。

 

急剎

急剎真係好仆街,前車突然間踩brake等你撞,輕則小撞撞凹吓車頭車尾揼把,重則後面位司機雞手鴨腳啲無收油直冲成份入哂就非常嚴重啦。咁多招嚟講呢招最陰濕,遇着職業撞車黨嘅話分分鐘又話頭痛頸痛,手又麻痺要入醫院住一排,手停口停開唔到工,所有野加埋一齊要你賠鑊甘。

 

人肉_衝

鐵頭功、金鐘罩,有部份人肉撞車黨真係練得一身好武功,搵錢真係搵條命仔博,撞爆嗮玻璃都可以無事起身搵你攞錢先。行車途中突然有條友鳩衝埋嚟撞你真係唔講得笑,但睇住有啲由老遠起跑咁衝埋嚟真喺唔笑佢on_都唔得,人肉撞車黨如發現事敗都要比佢小兩句消吓氣,真正on_無極限。

 

簡短話比大家知一啲常用撞車屈錢招,其實無論發生任何交通意外或者真係不幸地遇到撞車黨,最好都喺報警備案同埋喺意外發生嘅14日內上報保險公司,唔好為咗驚比人扣NCB而自己私了。因為遇着專業撞車黨,或對方司機自稱有受傷已經可以係民事責任,佢地有權係意外發生之3年內作出追究,分分鐘賠死你,寧願比人加保費加loading好過。如過程中雙方最後溝通可以和解,一定要清楚列明和解內容,雙方白字黑字清楚列明不作追究民事責任。

(1040)