【#冬奧】今屆冬奧變做政治角力舞台 | MENTALK 有班男人

冬奧 平昌?平壤?

廣告

近排鬧得好僵既南、北韓以及美國關係突然緩和落黎,三方緊張氣氛降溫,全因即將舉行既冬季奧運會。

冬奧主場館Alpensia Ski Jumping Stadiumfinancialtribune

今屆冬奧會係2月份於南韓平昌舉行,一共有15個比賽項目,話明冬奧,比賽項目全部都圍繞雪&冰,例如有越野滑雪、冰球、溜冰等等,切合返「冬」既主題。相比起夏季奧運會,冬奧既關注度一般都較低,可能規模比較細,亦都可能比賽項目比較專同埋需要環境配合,一般人少接觸,所以相對顯得陌生。不過,今屆冬奧就完全唔同講法,金仔搞到滿城風雨國際關係極奇緊張之際,突然對外宣佈想參加平昌冬奧,一直主張行和平路線、大事化小既南韓總統文在寅當然唔放過呢個契機,藉此改善兩韓關係,即刻派人好好氹掂北韓,希望金仔唔再玩飛彈,就係因為咁加入左政治色彩,今年冬奧既關注度遠超預期,同時有好多地方值得留意。

冬奧比賽項目
wiki

兩日前,兩韓會議上達成左一項重要共識,南、北韓同意係揭幕禮上手持朝鮮半島旗幟入場。其實半島旗係2000年悉尼奧運會已經出現過,係時任南韓總統金大中既陽光政策之下,兩韓一直既緊張關係得到緩和,亦係雙方關係有改善之時,呢支半島旗就揚揚飄係大型國際活動中,所以今次靠奧北韓開綠燈肯用好多年都冇出現過既朝鮮半島旗,對南韓黎講係氹掂北韓既第一步。

兩韓以朝鮮半島旗攜手入場法新社

除左用同一支旗入場,南韓提議同北韓組成女子冰上曲棍球聯隊出戰平昌冬奧。聽落好似good idea,話明組成聯合軍,但北韓方面一直都無呢個項目參賽資格,所以會犧牲部分南韓女子冰球隊運動會既參賽機會,公平咩?所以南韓冰球隊主教練已經表明反對,更有人向國家人權委員會投訴政府侵犯運動員自由。係政治層面無錯係好事,但唔應該插手體壇,更何況係奧運,4年一度,呢樣舉動唔單止無視運動員多年黎操練備戰既努力,更破壞體育精神。為左氹金仔可以去到幾盡?

女子冰上曲棍球upower

其實成個北韓,得雙人花式溜冰代表廉太鈺和金柱希拎到冬奧既參賽資格,但就派出左550人代表團,其中啦啦隊有230人。廉太鈺和金柱希早係上年9月份就靠自己實力早早拎到冬奧入場券,係近年最出色既北韓運動員,派出230個啦啦隊,話唔定金正恩規定以超高規格招待佢兩個。不過已敲定啦啦隊成員之中唔包括北韓國內最出名既女子樂團,有「北韓少女時代」之稱既牡丹峰樂團,改由三池淵樂團代表,有傳係三池淵樂團收到指示,係冬奧期間宣揚北韓文化,所以王牌都要讓路。

北韓雙人花式溜冰代表廉太鈺和金柱希600_phpBPGEob

550人既團隊參加冬奧,對於金仔黎講會係一筆幾大既洗費,有消息話今次北韓出訪費用將會由南韓同國際奧委會承擔。其實南韓之前就資助過北韓,係2014年亞競會無條件俾左9億3千萬韓圜資助北韓,所以今次會全數幫北韓找數聽落都唔驚訝,而且文總統勸自己運動員送參賽資格俾北韓運動員,仲要佢地多多包容。南韓急住送大禮,所以你話今次冬奧金仔係咪著數拎到盡?名符其實未出發先興奮。

送禮圖Giftmu

冬奧將會係2月9揭幕,有興趣既朋友記得留意。

 

(481)