【#LOL】賽季開鑼一星期已經破晒紀錄

LOL 比賽焦點

廣告

新一年已經過咗三個禮拜,意味著電競比賽會陸續開鑼,已經開始咗就有英雄聯盟(LOL)春季聯賽,至於其他遊戲例如Dota2、CSGO、PUBG、StarCraftII等等會係2月份IEM呢個大型電競比賽項目中正式展開,機迷要密切留意!

LOL spring season開始咗短短一個星期,幾個戰區已經出現唔少意外賽果,甚至破埋紀錄,一齊睇下有乜精彩鏡頭。

一致被譽為實力最強嘅韓國戰區(LCK)係過去嘅週末出現咗一場破晒紀錄嘅大戰 - SKT vs Jin Air。從戲碼上睇,呢場係好普通嘅比賽,三屆世界冠軍SKT無論牌面、實力、經驗三方面都有絕對優勢,經過兩局比賽,雙方各贏一場,去到決勝局精彩事黎料。SKT一如以往用超慢節奏打法,陰啲陰啲蠶食JinAir,去到遊戲時間47分鐘JinAir已經冇晒3路兵營,好彩JinAir嘅AD Carry角色係Sivir (希維爾),有強勁清兵能力,化解兵線壓力,亦因為咁搞到SKT久攻不下,即使有巴龍同遠古巨龍buff加持,依然攻唔入,形成老鼠拉龜局面。只可以話係陣容問題,SKT所揀嘅英雄缺少範圍傷害技能,導致大後期無論進攻抑或防守能力都完全唔及JinAir,兵線無限推入JinAir基地,JinAir單靠食兵經濟已經反超SKT,即使有世界最強Faker坐陣,都冇辦法打開缺口。最終呢場GAME打左94分半鐘(94:35)成為LOL史上最長嘅一局比賽,前紀錄為79分45秒,而完場一刻JinAir AD Carry - Teddy CS擊殺數為1465 ,破咗世界紀錄,舊世界紀錄係Zven嘅946cs,舊韓國紀錄係Pilot嘅741cs,新紀錄足足接近舊紀錄兩倍,誇張到一個點。一場打破咁多紀錄嘅遊戲最後由JinAir逆轉反勝SKT,拎到可能係職業生涯最辛苦嘅勝仗,呢場實會成為LOL其中一場最經典嘅比賽。

LOL比賽數上最多食兵數最後總數為1465,比起下圖多出9隻
485AF77500000578-5292285-image-a-54_1516465820250

除左破紀錄,LCK都有唔少意外賽果。首先係粒粒皆星嘅KT Rolster以局數1:2,輸俾Marin出走,實力明顯次一級嘅AFS,KT再一次輸俾自己表現飄忽,睇黎上年嘅致命傷到目前為止仍未有改善;而上年LCK一哥 KingZone DragonX (前身Longzhu Gaming)以直落0:2不敵世界冠軍KSV (前身 SamSung Galaxy),呢場意外未必係賽果,而係過程中KX完全俾KSV戰術遏制,即使有優勢都輕易被逆轉,實在唔似以往KX行雲流水嘅playstyle;最後當然係SKT,上年失落冠軍,隊中人事特別教練有重大變動,諗住會見到煥然一新嘅SKT,點知兩場比賽都係延續以往嘅style,以極慢節奏慢慢打,講真,呢種打法上年已經俾人拆解,今年再係維持呢種打法相信成績只會越黎越沉,究竟主教練kkoma已經冇晒乎?值得留意。

AFS擊敗KT後隊員教練非常興奮
螢幕快照 2018-01-24 下午5.41.29

JinAir苦戰94分鐘後獲勝,全隊非常激動螢幕快照 2018-01-24 下午5.45.00

講完亞洲講歐洲,NA LCS (北美戰區) 今年都令人意外。一直主宰NA LCS嘅TSM開賽竟然兩連敗,分別輸俾Team Liquid & Flyquest,新加入嘅Jungler Mike Yeung以及下路組合Zven & Mithy似學未適應打法,特別係Mike,兩場比賽明顯配合唔到隊友,不斷俾人捉,斷送遊戲節奏,即使有北美最強中路Bjersen都彌補唔到失誤,搞到呢支北美名牌勁旅做出最差開局;另一支名牌人氣隊伍CLG命運同TSM連成一線,一樣都係2連敗,同樣都係新加入成員適應問題,未融入到戰隊,而且係個人能力方面CLG中路Huhi實力明顯下降,多次被單殺,係戰敗關鍵之一;反而全新組成嘅戰隊100 Thieves 2連勝,而且贏得清脆,可望有力挑戰NA冠軍,打破多年黎嘅壟斷。

NA LCS聯賽榜螢幕快照 2018-01-24 下午5.42.49

至於其他地區,如LPL賽果一如以往咁正路,冇乜特別事發生;而EU LCS就一如以往存在感相對低,唯一特別係UOL開賽兩連敗;最息息相關嘅港澳台地區最遲開鑼,第一輪比賽未打晒,比賽將會係25-28號進行,鍾意睇比賽嘅觀眾記得留意。希望新一年LOL比賽可以返返去season3個年代鬥技術鬥殺人,而唔係慢慢農農農,拖拖拖,唔想再睇比賽果陣悶到訓著,你地話係咪?

(2479)