【#車位吸血】貴到咁架車泊去邊好⋯⋯

廣告

樓價高企,除了一眾無殻蝸牛上車無望外,車位的租金也越來越高。當中不少新型豪宅屋苑的車位租金亦長期高企破頂,全因一位難求,車位跟住宅數目比例可以去到1:5或更低,可想而之車位的需求是非常之大,每每有一個車位放租,不消一刻便已租出,就算你想退而其次租隔離大廈嘅車位都未必有位。租金可以有多高?下面文章將會列出一些給大家參考。

西灣河螢幕快照 2018-01-30 下午2.22.11

西灣河的嘉亨灣和逸濤灣,車位長期短缺,無計,好似嘉亨灣總共有2,020個單位但只有500個車位,逸濤灣864個單位只有216個車位,可以排隊等租但都真係唔知要等幾耐,搵車位好似仗咁,有車無位泊?唯有諗諗隔離䋥景灣,月租$4,000-$4,500左右,泊住嚟等位啦。

北角和富中心

北角區2個老牌大型私人屋苑和富中心和城市花園,如果住得喺嗰度而且揸車都係想方便,加上港島區車位難求,附近無無其他露天停車場之類,點都喺要租架啦。睇吓嗰租金,和富中心車位月租叫價$5,000-$5,500,城市花園叫價$4,200-$4,800,盤源都唔喺太多,要租快手。

灣仔尚翹峰

灣仔屬舊區,區內單支樓多少有停車場,所以住喺灣仔又喺想搵個位租都難,如果住喺尚翹峰同囍匯,有位都係要快手租啦,尚翹峰車位月租叫價$4,500-$5,000,囍匯$5,500-$5,800。

香港仔南灣

南灣開賣時好多車位都喺跟啲大單位一齊賣,所以如果住喺嗰度而無車位都真係頭㾗,又喺要用啲時間搵吓盤。好彩有盤的話價錢都好硬淨因為唔擾無人租,月租南灣車位要$6,800-$7,200,價錢夠租個靚劏房,唔怕日灑雨淋行多兩步可以諗吓深灣軒,平少少但都要$5,000-$5,500,都喺嗰句,少盤呀。

西營盤堅尼地城寶翠園

西營盤半新樓縉城峰,488個單位得86個車位,月租價錢$5,000-$5,500,以呢啲半新樓豪宅嚟講租金叫價唔算好癲,至於堅尼地城寶翠園,單位總數2,213個但係得400幾個車位,好多買咗返嚟之後都喺自用多,想租的話要$8,500-$9,000,都未必有得比你租。

尖沙咀凱旋門

近年來成為豪宅新寵的九龍站,住客個個非富則貴,其車位售價不斷創新高,凱旋門同天璽車位就算有租盤放又係極少,反而隔離漾日居同君臨天下嘅車位比較充足,有意搬入去都要留意下車位情況。凱旋門車位租金$5,500-$5,800,天璽$6,000-$6,500,君臨天下$4,500-$5,000。

何文田天鑄

何文田豪宅天鑄,新近有車位租金成交價為$8,500,住得豪宅車位租金自然會貴啲唔係點襯得起啲住客,唔貴唔租添啦!加多少少錢可以租個新界兩房單位了。

將軍澳

將軍澳近年發展漸趨完善,配套好設施充足,吸引很多人搬入去住。新近的天晉和維景灣畔,單位和車位的比例大概1:5左右,天晉的租金為$4,500-$$5,000,維景灣畔則為$4,000-$4,500,叫價尚算可以了。

新蒲崗黃大仙現崇山

以往為工業區的新蒲崗和相鄰的黃大仙開始慢慢變天,亦因鄰近啟德而投資潛力大升。譽港灣單位總數1,159個,提供320個車位,現崇山項目單位總數968個提供227個車位。租金月租為譽港灣$4,300-$4,800,現崇山則為$5,200-$5,700。

其實現在的車位租金各地區都水漲船高,主要是因為供求失衡,沒有因為是港島區就比較貴而九龍區就比較便宜,而且因為政府政策關係,愈近地鐵站的屋苑車位配置會更少,可以接受街客的停車場好多都爆滿。而家各位車主如需要搬家,除了要考慮單位外也要留意車位供求情況,都要睇下點樣安置愛車。分分鐘睇啱單位但無車位,架車泊完要行10分鐘先返到屋企都幾無引。

(9351)