【#eSports】香港電競市場似乎漸露曙光

香港電競

廣告

上個週末香港電競平台Cyber Games Arena (CGA)舉辦咗2018年第一個絕地求生(PlayerUnknown's Battlegrounds PUBG)比賽。今次比賽名為「港澳台交流賽」,顧名思義,3個地區嘅玩家都可以參加比賽,呢次亦係第1次跨區域舉辦嘅線下比賽,即係參賽者須要親身去指定場地比賽,而PUBG比賽模式同場有80個玩家,所以比賽規模都真係唔嘢小㗎。

參賽者係大會指定場地比賽images

唔知係咪受到IEM官方決定影響,今次交流賽都只係用舊地圖Erangel作為唯一比賽地圖,並無加入早前更新嘅沙漠地圖Miramar,無論參賽者抑或觀眾可能會有少少失望,始終新圖出左一段時間而且有更新調整過幾次,但依然上唔到大舞台,比賽新鮮感同變化都無可避免地打折扣,SAD。講返比賽,一如以往沿用FPP (第一身視角),地圖天氣設定為晴天而且無轟炸區,減低隨機因素帶黎嘅不確定性,簡單黎講即係對所有人都會公平啲。所有設定睇落好正路冇乜特別,其實未講到姐,CGA今次開放全部比賽模式,即係 solo (個人賽)、duo (2人組隊) 以及 squad (4人組隊),每種比賽模式嘅玩法、戰術、節奏都完全唔同,呢方面嘅多變性,唔多唔少彌補到單一地圖嘅缺點,增加返比賽觀賞性,特別係solo,一跳降落周圍都係敵人,真係死咗都唔知乜事!

IEM官方決定只用Erangel地圖作賽螢幕快照 2018-02-02 下午5.01.03

CGA創辦人(左)表示黎緊會繼續搞PUBG比賽而且規模會更大9af884c62324f09a3d9e8eecee914b20

貴為第一個跨區比賽,報名人數超過1000人,甚至有電競職業隊如AHQ報名參賽,而佢地順理成章拎左squad組別冠軍。香港嘅NerF以10分些微優勢擊敗同場其他對手,拎咗duo組別冠軍,相當爭氣!今次交流賽反應踴躍,主辦單位CGA就話黎緊會繼續搞PUBG比賽,規模會更大,有機會做單一地區線下賽,而佢地都留意到香港同台灣分別會有電競節,會諗下利用呢個契機結合兩者搞更大型嘅比賽,逐步推動電競發展。

ahq於賽事中成功奪冠10c550257577cf9bda32dd89ab5dac06

2018只係短短過咗一個月,香港已經至少舉辦咗2個電競活動,早係1月頭就有LOL嘅ACL亞洲城市聯賽,而月尾就有CGA PUBG比賽,雖然規模一定唔及外國咁大型,畢竟香港電競只係起步階段,但係慢慢見到陸續有公司逐漸肯投放資源落呢方面。最明顯當然係比賽越黎越多,一黎舉辦比賽嘅單位多咗,例如最早發展電競嘅CGA、後來成立嘅HKESPORTS、以及ACL等等,連英皇集團都成立咗電競隊伍(ees),用名氣&財力推動電玩市場;其次就係贊助商越黎越多,例如Intel、Razer、Logitech知名嘅牌子,贊助嘅設備、器材、金額、獎品都越黎越多,越黎越豐富,證明電競係有一定嘅潛力,生意人都睇好;再加上而家打機嘅人越黎越多,鍾意開台、睇人開台、留意電競比賽嘅人亦越黎越多,而且香港已經出咗個世界冠軍toyz,亦有世界亞軍tabe & Wh1t3zZ,所以唔係冇人才亦都唔係冇市場,香港電競有得搞!

前LOL世界冠軍成員toyz,現擔任ees教練EES_Toyz

(1095)