【男の通識學】入手需知:黑膠唱盤部件實用小知識

黑膠唱盤部件實用小知識

廣告

依家咩都數碼化,樣樣都同你講雲端同串流,就連聽歌都係用 iTunes 或者 Spotify,搞到實體音樂市場嘅營業收入嚴重受到影響,唯獨係黑膠碟反其道而行,好似英國《衛報》嘅調查報告就指出 15-16 年實在有太多著名歌手相繼離去,導致黑膠銷量勁升53%,好多人因此而重回實體音樂嘅懷抱。而舊年全球四大會計師事務所之一嘅德勤呢,就公佈咗黑膠唱片行業嘅收入連續七年雙位數增長,銷售額直迫 1981 年黑膠全盛時期嘅 10億美元! 所以近年除咗黑膠碟之外,黑膠唱盤亦成為最受追捧嘅音響器材之一,只要落銅鑼灣睇睇 HMV 有幾多黑膠唱盤同黑膠碟賣你就知啦! 因為黑膠復刻潮流當道,有唔少朋友都有興趣想玩吓聽吓,買部 All-in-one 雖然方便,不過如果你有機會 Upgrade 部機,就要識得唱盤各個部件嘅功能嘞,所以今日就同大家返璞歸真講下黑膠唱盤部件當中嘅實用知識。喺度都要講翻玩音響嘅嘢就好似品嚐咖啡同食拉麵一樣,冇分對與錯,而係得啱唔啱口味㗎啫。

(396)