【男の通識學】蜘蛛俠戰衣全解構:談經典黑化宇宙昇華

蜘蛛俠戰衣全解構:談經典黑化宇宙昇華

廣告

上次講完Iron Man嘅5套戰甲,今次就講下無敵嘅聖衣!吖唔係!係蜘蛛俠無敵嘅戰衣先啱。蜘蛛俠喺超級英雄電影圈頑強不死嘅態度,絕對可以稱得上係不死嘅鳳凰呀!皆因蜘蛛俠拍攝電影嘅版權由1985年開始就比啲電影製作公司拋嚟拋去,英雄生涯比人Reboot又Reboot。誇張到千禧年打後發展嘅蜘蛛俠三部曲電影系列,成個故仔16年嚟因劇本問題足足重覆講咗3次。Sony Pictures旗下嘅Columbia Picutres淨係內部問題都要搞到重新規劃多次嗰故仔,變成2012年《蜘蛛俠:驚世現新》嘅新三部曲呀。不過傳聞Amazing Spiderman嘅三部曲嘅最後一集,因為親生老豆Marvel Studios唔太滿意票房成績而無限期擱置添呀。直至2015年Marvel Studios同Sony Pictures成功以「許可協議」嘅形式,將蜘蛛俠呢位身世可憐嘅超級英雄以客串形式放入2016年《美國隊長3:英雄內戰》,之後以《蜘蛛俠:強勢回歸》重新Reboot蜘蛛俠嘅電影故事,版權嘅問題亦都因此而告一段落;Uncle Ben嘅死亦都唔洗好似甘草演員羅樂林咁樣老是常出現呀!值得高興嘅係蜘蛛俠加入Marvel Studios戰衣終於升級,唔再係得一件紅藍配色嘅全覆蓋戰衣!電影嘅升級版本固然有型,但你又知唔知蜘蛛俠喺電影戰衣設計嘅背後用咗幾多功夫去還原翻漫畫當中嘅神髓,而且漫畫入面仲有件可以改變宇宙萬物嘅Cosmic戰衣添呀!

(1555)