【男の通識學】KAMEN 拉打進化三部曲:昭和、平成、新平成

KAMEN 拉打進化三部曲:昭和、平成、新平成

廣告

每個年代都會有屬於佢地自己嘅幪面超人,位位都有自己嘅特獨個性同專屬必殺技,可以講係每個男人心入面嘅終極Idol呀!想當年網絡仲未發達嘅時候,大家都仲係笠住條底褲喺頭,住老豆條皮帶扮幪面超人儆惡懲奸,唔似依家啲小朋友下下都拎部iPad出嚟打機。時至今日幪面超人經已播足47年,唔少小朋友如今都已經變哂大朋友,但係每年10月開播嘅日本國寶級特攝系列從未因時間嘅流逝而停播。幪面超人嘅造型、變身系統、必殺技、形態亦都跟住潮流不斷Upgrade,令到唔少睇住昆蟲藍本嘅幪面超人大嘅大朋友都紛紛抨擊近年推出嘅幪面超人,無乜深思熟慮角色造型、故事情節太過敷衍了事變身時聲音特效實在太過嘈吵,冇咗當年個種「感覺」。所以今日就同大家細數幪面超人昭和、平成、新平成系列嘅進化史啦!講到始祖點可以唔講1971年首播嘅《幪面超人》,當時呢位幪面超人並唔似依家啲新平成幪面超人咁千變萬化,只係以單純嘅號碼嚟做稱號。第一位幪面超人就係由本郷猛變身而成嘅幪面超人1號喇!作為日本國寶級特攝系列嘅頭炮,幪面超人1號嘅誕生可以講係奠定咗日後所有幪面超人嘅基本設定,以日本漫畫大師石之森章太郎嘅原案加上東映動畫株式会社精心製作嘅畫面呈現,締造一套長達47年都仲做緊嘅傳奇特攝電視劇!唔講咁多!去片!

(950)