【#Sneaker】素人都可以變Air Max設計師

Air Max 的波鞋圈生態變化

廣告

整個3月,都被Air Max Day氣氛濃罩,一浪接一浪的波鞋消息唔多唔少都跟Air Max扯上關係,其他品牌都借勢避風頭,避免在被大浪淹沒,唯有惹上印度教聲討的Pharrell Holi系列能夠逆流而上,證明只要有話題,市場上多多都受。話說以前每年3月,都是波鞋淡季,以中國人傳統,新年前個個趕買新波鞋,斷估唔會過一個月又再買鞋,節日氣氛磨滅,消費意慾低落,加上香港財政年度奉行英式會計系統計算在3月底結數,一般零售商都會減少存貨以便盤點,但自從Nike2014年生咗個Air Max Day出嚟之後,成個波鞋圈生態就起咗微妙變化,3月唔再係波鞋界淡季,個個趕住買翻對新Air Max,為嘅只不過係晌326Air Max Day當日,Post#airmaxday嘅相上Instagram,曬一曬對靚鞋兼話俾人聽自己都係一份子,呃Like刷存在感,依個化腐朽為神奇嘅策略,堪稱世界上其中一個最絕的Marketing Idea,同白色情人節有得揮!不但刺激到消費,亦可以令消費者自我感覺良好,零售商同時受惠,Win-Win雙贏,諗依條橋出嚟嘅一定係天才。

001 002 003 (Image: Nike, Hypebeast, Haven)

過去Air Max Day最成功之處,是把活動塑造成嘉年華,加入互動環節,讓所有平民百姓參與其中,投入社區,增加歸屬感,令活動變成「關自己事」,出心出力。由2016年開始,Air Max Day開始有全球公眾投票環節,預先公開候選鞋款,最高票數當選鞋款會在下年度Air Max Day正式推出,延續話題性之餘,亦令活動增加了期待性,就宣傳而言,把記憶帶到下次活動,的確慳水慳力。第一次票選活動叫「Vote Back」,Nike在過去一共推出過的9728Air Max,從中挑選出最巨影響力的100個款式,公開給予公眾投票,每位用戶每日有一票,可身體力行支持自己心儀的款式,投票網站會作實時更新,讓投票者知道所有排名,可想而知戰況有幾激烈,Air Max ZeroAir Max 90 Fighter JetLunar Force 1 Moonrockatmos x Air Max 90 Dunk CamoAir Max 2015 Flyknit等鞋款都曾經坐過第一位。最終優勝屬於atmos x Air Max 1 ElephantNike兌現承諾在去年Air Max Day再次推出,銷售情況不用懷疑,作為第一對民選波鞋,而且是復刻經典Crossover,供不應求受熱烈搶購是基本嘢。

004005 006 007 008(Image: Nike, atmos)

慶幸Nike捉到鹿識脫角,上屆更換投票主題做「Vote Forward」,預先邀請了12位具有非凡影響力的單位,銳意塑造新的Air Max。當中不乏天馬行空的設計,把Air Max 190180939597Plus3602015Vapormax集於一身,結果古著店店主Sean Wotherspoon設計的燈芯絨Air Max 1/97 Hybrid贏得冠軍,將會在今年Air Max Day正日在全球正式發售。

010 011 012(Image: Nike, Hypebeast)

今年已經臨近Air Max Day,很多人都問票選活動去了哪裡?原來活動規模在暗地裡搞得越來越大,2016Nike只在內部挑選候選名單,2017年找業內單位的設計做候選名單,2018已發展到公開招募設計,今屆活動叫「On Air」,不過招募活動只在紐約、倫敦、巴黎、東京、上海和首爾六大城市展開,參賽者可以在Air Max 1Air Max 90Air Max 180Air Max BWAir Max 93Air Max 95Air Max 97Air Max 98Air Max 270Air VaporMax Plus之中挑選一款創作,每個城市有不同主題,參賽者需要在設計上符合主題,例如上海就定了主題為「Air」和「速度」。由素人至變身成為設計師,參賽者需要過五關斬六將,先通過初選,進入上海/北京/廣州共150人賽區,再在每個賽區挑選3人進入全國賽,最後9人會前住上海Nike進行為期7日的設計團集訓,在評審和導師指導之下完成最終設計,最後通過全國網上投票選出最後3強,值得一提的是,陳冠希也會擔當今次評審。全國賽勝出的3強會與Nike設計師會面並利用3D打印技術製造出完成品,代表上海跟另外5個海外城市爭取最後冠軍寶座。每個城市會派出3個單位,總共18款設計參與全球票選活動,意味著全球票選活動會順延至4月才開始,比過去兩屆遲,我們就拭目以待公開組的設計質素,會否比以往更有驚喜,更加出色。

013 014 015(Image: Nike)

本故事如有雷同實屬對號入座。

TXT BY GEEKYBRIAN

(542)