【#大師教路】男友視角速成班,將女朋友秒變女神!

今時今日,識幫女朋友影相已經唔再係一項「技能」,而係一種男人「本能」!唔少男士最怕一個唔小心影到另一半醜態,瞬間一秒激嬲女朋友,個晚中六合彩都無福消受。今次MENTALK一於搵嚟婚攝大師Ming Chan過大家兩招,幫女朋友影到每張相都好似婚攝咁索,從此開心揸相機,唔洗再跪玻璃!

C1

C2

「無容置疑,作為一位男性,我係好鍾意睇靚女、影女仔。每次拍攝都會接觸唔同高矮肥瘦、樣貌特質嘅拍攝對象,相當有挑戰性。透過人像攝影同運用Coping Skills等溝通應對技巧而成功捕捉到對方最靚一刻,亦為我帶嚟莫大滿足感,所以吸引我繼續向人像攝影嘅方向鑽研同發展。」近年屢獲雜誌選為十大婚禮攝影師及最佳婚禮攝影師嘅Ming Chan,入行多年堅持以紀實方式為新人記錄婚禮,深陷於人像攝影嘅「吸引力法則」。

C3

C4

「人像攝影最重要係先同被攝者建立一個互信關係,令對方有自信去擺出合適嘅表情同姿態面對鏡頭,從而建構美觀嘅構圖。其次,需要一部對焦快而準嘅相機,清晰地捕捉到一瞬即逝嘅時刻同表情,而我自己追求影出人物自然隨性、投入嘅一面,無論對象係新人或者模特兒。另外影Pre-wedding同Big Day亦有分別,前者注重人物光暗嘅contrast,後者著重快、狠、準地記錄到瞬間一刻。」Ming對於人像攝影美學有獨特嘅一套見解,「capture the moment」、「don’t be too posing」及lifestyle,係佢一貫攝影風格所追求嘅準則。

C5

C6

當然,古語有云「工欲善其事,必先利其器」,不論係各路男士定大師Ming,想拍到靚相,都需要一部靠得住嘅相機。「最近Canon新出咗一部EOS R,對焦快而準,特別係當中Dual Pixel CMOS AF技術,大大幫助到我影人像或婚攝時捕捉瞬間Snap Shot,減低『out fo』機率,甚至可以細緻對焦出清晰眼珠;另外,好多時場地或環境限制,例如簽紙、宣誓時需要保持完全安靜,相機支援『靜音快門』亦提供到無聲操作;有別於傳統大機,EOS R機身可作『反mon』,方便人多擠迫或空間有限下捕捉多變角度畫面,包括俯視或低仰角度;最驚喜係有EV-6超低光自動對焦,解決過往係晚宴同音樂會等極黑環境下,影像容易失焦問題。」

C7

Ming提及嘅Canon EOS R乃係Canon首部全片幅無反相機,採用全新「RF 接環」,配備約3,030 萬像素全片幅 CMOS 影像感應器、最新 DIGIC 8 數碼影像處理器、標準 ISO 感光度範圍達100-40000同Canon一貫影人像嘅好膚色,帶嚟極高影像質素嘅婚攝相片;配合兼容嘅RF鏡頭,更提供全球最快0.05秒自動對焦速度及支援 EV-6 超低光自動對焦,喺接近漆黑嘅極低光環境仍可以進行精準嘅自動對焦。

C8

與EOS R同時推出嘅RF 24-105mm f/4L IS USM (下稱RF 24-105mm)標準變焦鏡頭亦輕巧及用途廣泛。Ming:「RF 24-105mm鏡對於環境變化大嘅場景係無可替代嘅一支鏡頭,好方便好flexible。例如婚禮大合照、電影現場環境花絮等突然需要納入大量人物喺相中,但下一秒又需要轉為特寫,RF 24-105mm能即時做到轉換,影出無震、清晰且穩定嘅影像,省卻換鏡時間。」

RF24-105mm配備Nano USM馬達技術及5級防震效果嘅光學影像穩定器,配合RF鏡頭獨有全新控制環設計(接近鏡頭紅圈位置),方便到用家係鏡頭上直接調校自訂相機設定,如ISO、快門速度或光圈值等。Ming:「舊時單反機身上嘅轉盤可以調較快門、光圈,唯獨ISO要另外設定,而RF鏡全新control ring就好比第三個轉盤,方便按下快門按鈕前已可調節曝光值,更準確捕捉人物嘅光暗。」

C9
「另外亦可更換一支RF 50mm大光圈鏡(RF 50mm f/1.2L USM),大光圈可以更有效控制相片嘅景深,更方便交待人物四周環境;而利用大光圈嘅淺景深亦可以突出人物表情,女仔就最鍾意。」

Ming另教多各位男士幾招影相Tips:「第一,Preparation好重要,化個靚妝、著靚衫、梳靚頭、搵個好場地、天氣好,已經成功一半。去戶外、沙灘,可以用盡 24mm焦距以低角度、直度將人嘅比例拉長,顯得身形高䠷,腿更修長。」而Canon EOS R嘅自動對焦範圍十分廣闊 (畫面約 100% x 88%),並有多達 5,655 個自動對焦點位置,構圖自由度就更大。

C10

Ming:「第二,燭光晚餐或者室內dating,就好似影wedding晚宴咁,人物不斷移位,容易失焦,可以多用『Touch and Drag AF』功能喺螢幕上快速選擇對焦點,加埋相機出色嘅低光自動對焦能力,環境幾暗都可以影到女朋友一笑。」

講到尾,一部好相機絕對不能少,但求幫老婆女友影出纖面、長腿、9頭身。Canon全片幅無反相機EOS R及已推出嘅兩支鏡頭(RF 24-105mm f/4L IS USM 及RF 50mm f/1.2L USM)堪稱完美男友視角,將女朋友一攝變女神,你同女朋友都呃到like,自然更加互like,感情升溫啦!

想聽多啲阿Ming分享專業創作心得同實戰經驗,立即報名參加11月24號舉行嘅Ming Chan x EOS R CREATORS WORKSHOP 專業婚攝影像方案分享會,現場仲可以試玩EOS R、RF鏡頭同電影級嘅Cinema EOS 攝錄機,詳情及報名隨意門: http://bit.ly/2PwMNBx

 

C11

 

(8596)